گچريارانلار



سحر وقتي‌ ياتمانگ‌، ديله‌گ‌ چاغيدير
عمر يل‌ دك‌ گليپ‌ گچر يارانلار
اجل‌ ساقي‌ يورير، قولوندا جامي‌
اول‌ مي‌دن‌ خلايق‌ ايچر يارانلار
 
عمر گليپ‌ گچر، باش‌ گون‌ دوران‌ دير
باش‌ وقت‌ نماز حقدان‌ بيزه‌ فرمان‌ دير
جان‌ قوشي‌ بو تنده‌ باش‌ گون‌ ميهمان‌ دير
پرواز اديپ‌، هر گون‌ اوچار يارانلار
 
آدامينگ‌ اصليني‌ سورسانگيز لاي‌ دير
يوزمونگ‌ييل‌ياشاسانگ‌،بيرگوني‌واي‌دير
بو دنيا، بيلسه‌نگيز، كونه‌ ساراي‌ دير
خلايق‌ كرون‌ دير، گچر يارانلار
 
دايم‌ ديي‌، حق‌ يادي‌ بولسون‌ سوراغينگ‌
سفر اتمك‌ گرك‌، توتغول‌، ياراغينگ‌
بو دنياده‌ نيچه‌ يانسا چيراغينگ‌
اجل‌ يلي‌ دگيپ‌، اوچر، يارانلار
 
بو دنيا، بيلسه‌نگيز، هاي‌ و هوس‌ دير
اولر سيز، عاقبت‌ بارچا عبث‌ دير
بو دنيا مومنه‌ زندان‌ قفس‌ دير
قارا ير بارچاني‌ قوچار، يارانلار
 
سن‌ اوله‌نگدن‌ سونگرا قالان‌ ذريات‌لار
اوغول‌ قيزينگ‌، بارچا قيلار هيهات‌لار
كفنينگ‌ بويونگا بيچر خياط‌لار
آخرت‌ اويوني‌ آچار، يارانلار
 
مختومقلي‌، تحقيق‌ بيلگيل‌ اولاري‌
چون‌ كي‌ گورن‌ يوقدور اولمه‌ي‌ قالاري‌
تانگري‌نينگ‌ حقيقت‌ سوير قوللاري‌
دنياني‌ گورنده‌، قاچار، يارانلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی