گوكجه‌كپدري



اي‌ يارانلار، مسلمانلار
گورونگ‌ بو حكم‌ داوري‌
كيم‌ مسجدده‌ اولتورميشدي‌
بير گون‌ مرتضي‌ علي‌
 
آرقا برميش‌ محرابا
يوزون‌ برميش‌ كتابا
اولوغ‌- كيچيك‌ صحابا
ييغيلميشدي‌ هم‌ باري‌
 
اول‌ شاه‌ صفدر بيلدي‌
بير گوكجه‌ كپدر گلدي‌
اولتوريپ‌، تعظ‌يم‌ قيلدي‌:
"سلام‌ عليك‌، يا،علي‌!
 
سن‌- سن‌ دينيم‌، ايمانيم‌
سانگا قربان‌ بو جانيم‌
فلان‌ يرده‌ آشيانيم‌
باش‌ چاغام‌ بار، يا، علي‌!
 
ير- گوگونگ‌ آراسيندا
خرمنلار غيراسيندا
خدانينگ‌ پناسيندا
گزرم‌ صحرالاري

سير ادرديم‌ هر يانا
شكر ادرديم‌ سبحانا
ايسترم‌، ييغام‌ دانه‌
الترم‌ آشيان‌ ساري‌
 
دوشماندان‌ غافل‌ ايديم‌
خرم‌ و خوشحال‌ ايديم‌
چاغاما مشغول‌ ايديم‌
گوردوم‌ كي‌، بير شاه‌ پري‌
 
گوردوم‌ بير لاچين‌ گلر
هوادا هوالانار
بيلديم‌ كي‌، جانيم‌ آلار
آمان‌ برمز، يا علي‌!
 
قورقوپ‌، بيط‌اقت‌ بولدوم‌
شيرين‌ جاندان‌ ال‌ يولدوم‌
سنينگ‌ قاپينگا گلديم‌
غوتار مني‌، يا، علي‌!"
 
علي‌ چون‌ واقف‌ اولدي‌
كپدرينگ‌ حالين‌ بيلدي‌
لط‌ف‌ ايله‌ كرم‌ قيلدي‌
دييدي‌: "كپدر، گل‌ باري‌!"
 
كپدر گلدي‌ اونگونه‌
برمان‌ لاچين‌ چنگينه‌
قول‌ اوزاتدي‌، اونگونه‌
سالدي‌ كپدرني‌ علي‌
 
شول‌ دمده‌ لاچين‌ گلدي‌
حضرته‌ عرضين‌ قيلدي‌
لط‌ف‌ ايله‌ تعظ‌يم‌ قيلدي‌:
"سلام‌ عليك‌، يا، علي‌!
 
هر سحرلر آولارديم‌
داغي‌- داشي‌ الارديم‌
بير كپدري‌ قاولارديم‌
گليپدير سيزينگ‌ ساري‌
 
درمانده‌يم‌، محتاجم‌
شرمنده‌يم‌، غلاجام‌
بو گون‌ اوچ‌ گوندور، آجام‌
آووم‌ برگين‌، يا، علي‌!"
 
اول‌ شير پروردگار
اول‌ صاحب‌ ذوالفقار
اول‌ شاه‌ دلدل‌ سوار
ندا قيلدي‌ قنبري‌
 
قنبر چون‌ ظ‌اهر بولدي‌
لط‌ف‌ ايله‌ كرم‌ قيلدي‌
دييدي‌: "خذمت‌ نه‌ بولدي‌
چاغيردينگيز بيزلري‌!"
 
دييدي‌ چرخ‌ چنبره‌
موشك‌ قاتيلميش‌ عنبره‌
علي‌ دييدي‌ قنبره‌:
"آليپ‌ گلگيل‌ خنجري‌!"
 
گورونگ‌ ايمدي‌ نه‌ قيلا
ايستار ـ اول‌ كرم‌ قيلا
لاچين‌ دييدي‌ علي‌غا:
"سيز نادرسيز خنجري‌؟"
 
"اي‌، لاچين‌، من‌ حيدرم‌
صاحب‌ لط‌ف‌ و كرم‌
اوز بودومدان‌ ات‌ برم‌
سن‌ ديله‌مه‌ كپدري‌!"
 
خنجر چيقدي‌ قينيندان‌
تا ات‌ كسه‌ يانيندان‌
لاچين‌ توتدي‌ قولوندان‌
دييدي‌:"كسمه‌، يا علي‌!"
 
سنينگ‌ ايشينگ‌ كرمدير
قوللارينگ‌ محترمدير
بو ات‌ بيزه‌ حرامدير
ايا، ساقي‌ كوثري‌
 
لاچين‌ سايمانگلار مني‌
كپدر دييمانگلر آني‌
سيناماق‌ اوچين‌ سني‌
گليپديك‌ سيزينگ‌ ساري‌!"
 
شادان‌ رخصت‌ آلديلار
آياق‌ اوزره‌ قالديلار
اوچوپ‌، پرواز قيلديلار
گيتديلر آسمان‌ ساري‌
 
تمام‌ بولدي‌ بو سوزلر
اتسه‌لر گرك‌ اثر
مختومقلي‌ خاكسار
شاهمردان‌ چاكري‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی