گرگانینگ



اؤنگونده بلند داغ، سرینده دوُمان
دنگیزدن اؤویسِر یلی گرگانینگ
بوُلوُت اوْیناپ، دولسا چایلارا باران
آقار بوْز بوُلانیپ سیلی گرگانینگ

توقایلاری باردیر قارغی-قامیش لی
گؤزِل لری باردیر آلتین کوموش لی
بوْز گوسفند،قیر ییلقی، قارا گاومیش لی
آرغالی گاو بوْلار مالی گرگانینگ

خاطالار نشیپ دوران اینر، مایالار
آغیر بزیرگن لر، تجار ایه لر
سِنگریکلأپ،آبانیپ دوران قایالار
اؤنگی-آردی، ساغی- سولی گرگانینگ

ییگیت لری تورمه شال قوْشار بیلینه
یوْرغا مینیپ، تارلان آلار الینه
آق گؤوسین بییر جرن دنگیز یلینه
مأله ییر مارالی چؤلی گرگانینگ

مختومقلی،ایلدن ایله آرالار
هجران تیغی بیلن باغرین پارالار
قوْلوُن ساللاپ مارال قاباق پری لر
اینر اوْلومیندام دألی گرگانینگ

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی