گوزه‌ميهماندير



قارا داشدان‌ قارا قيلي‌ سايلان‌ گوز
چونگه‌لر گوره‌جينگ‌، گوزه‌ ميهماندير
گلن‌ آش‌ دييپ‌ گلمز، تورشوتماغيل‌ يوز
نانه‌ محتاج‌ دالدير، سوزه‌ ميهماندير
 
آغيردير هنگام‌لار، اوزاقدير يوللار
سوراشسا ييگيت‌لر، سوزلشسه‌ ديل‌لر
بهاردا آچيلان‌ رنگ‌ به‌ رنگ‌ گل‌لر
 بير فصل‌ آچيلار ــ يازا ميهماندير
 
نه‌ عظ‌يم‌ هنرلر، نه‌ سرلي‌ ايش‌لر
نه‌ هوالي‌ باغلار، بلند آغاچ‌لار
آلتميش‌ الوان‌، يتميش‌ دورلي‌ اييميش‌لر
آغاچدان‌ آيريلار، گويزه‌ ميهماندير
 
ييگيدينگ‌ بولماسا ياراغي‌، آط‌ي‌ 
 شوني‌ بللي‌ بيلينگ‌، يوقدور غيراتي‌
قوجالديقچا، گيدر سونونگ‌ قواتي‌
ييگيت‌ليگينگ‌ زوري‌ ديزا ميهماندير
 
بو دنيا يوزونگه‌ گولوم‌ - گولوم‌ دير
 پيشه‌سي‌ جفادير، جبر و ظ‌لم‌ دير
هر نيچه‌ ياشاسانگ‌، آخر اولوم‌ دير
عزيز جان‌لار تنده‌ بيزه‌ ميهماندير
 
حقي‌ يادا سالسانگ‌، حقدان‌ قورقينگا 
شيط‌ان‌ آرا دوشر، قويماز اركينگه‌
قوبا جوان‌، قووانماغيل‌ گوركونگه‌
قوجالار سن‌، گوركونگ‌ يوزه‌ ميهماندير
 
مختومقلي‌، اوويت‌ باردير سوزومده‌
اولوم‌ ياديمدا دير قورقي‌ گوزومده‌
هر نيچه‌ ياشاسانگ‌ يرنگ‌ يوزونده‌
آدم‌ اوغلي‌ باش‌ گون‌ دوزا ميهماندير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی