گوروم‌گورولمه‌گن‌يرده‌



عزت‌، حرمت‌، سين‌ اتمه‌گين‌
گوروم‌ گورولمه‌گن‌ يرده‌
عاقل‌ بولسانگ‌، سوز آيتماغين‌
نوبت‌ بريلمه‌گن‌ يرده‌
 
عقلي‌ ياغشي‌لار اونوتماز
قوري‌ آغاجا ياپراق‌ بيتمز
عقللي‌ ار مسكن‌ توتماز
خلقي‌ سويولمه‌گن‌ يرده‌
 
باط‌ل‌ قالان‌ آريق‌ آقماز
هر ناشي‌دان‌ كرم‌ چيقماز
ايت‌ گوزله‌مز، پيشيك‌ باقماز
سفره‌ ياييلماغان‌ يرده‌
 
حج‌ ايله‌سنگ‌، جارا دونر
گل‌ آچيلسا، خارا دونر
خذمت‌ اتمك‌ خوارا دونر
قدرينگ‌ بيلينمه‌گن‌ يرده‌
 
نامرد قوش‌ اوستونده‌ هارلار
اورتا-آش‌ اوستونده‌ گورلار
سووش‌ قوروپ‌، قيليچ‌ پارلار
دوشمان‌ گورولمه‌گن‌ يرده‌
 
اوي‌ ايچينده‌ خيرا دونر
مخنث‌ بير نره‌ دونر
تيلكي‌، شاغال‌ سيره‌ دونر
سووش‌ قورولماغان‌ يرده‌
 
فراست‌ قيل‌، باقيپ‌ عقلا
قوچ‌ ييگيدينگ‌ سوزون‌ حقلا
مختومقلي‌، ديلينگ‌ ساقلا
خبر سورالماغان‌ يرده‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی