لاله‌گتيرميش‌



آسماندان‌ نور ياغسا، منور بولار
زمين‌ ياشيل‌ گييپ‌، لاله‌ گتيرميش‌
خدا بويروغيندان‌ آيريلان‌ جوان‌
اويناشيندان‌ حرام‌ كوله‌ گتيرميش‌
 
اول‌ آقان‌ يردن‌ آقارميش‌ آريق‌
من‌ - منليك‌ اده‌نينگ‌ ط‌نابي‌ چويريك‌
مرددن‌ آشنا توتسانگ‌، آبراينگا شاريك‌
نامرد آشناسينا حيله‌ گتيرميش‌
 
هر كيم‌ گزر بو دنياده‌ بير حيله‌
يورگيل‌ آتا-بابا يوريگن‌ يولا
بايتال‌ ياپاغي‌سين‌ چكرميش‌ چوله‌
اشك‌ كره‌سيني‌ كوله‌ گتيرميش‌
 
هر كيم‌ اوز آدينا مهر قازديرار
يازيلان‌ تقديري‌ كيمسه‌ بوزديرار
ايكي‌نينگ‌ سيلاغي‌ بيرين‌ آزديرار
تاياق‌ بير داليني‌ يولا گتيرميش‌
 
مختومقلي‌، گر دويورسانگ‌ بير آجي‌
معلوم‌ دير، تاپار سن‌ بو يرده‌ حاجي‌
ناگه‌ مردليك‌ اتسه‌ آدام‌ بيوجي‌
هر مجلسده‌ يوز يول‌ ديله‌ گتيرميش‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی