معني‌بيلمزياشيندا



اي‌ يارانلار، آدمزاد
معني‌ بيلمز ياشيندا
بي‌غم‌ بولار دنيادن‌
دوردونده‌ يا باشينده‌
 
باشينده‌ بگ‌ دير، بيلمز
دنياني‌ گوزه‌ آلماز
ذره‌ قايغي‌سي‌ بولماز
 گزر اويونگ‌ داشيندا
 
اگر كه‌ اون‌ ياش‌ گلر
 اوغلانليقدان‌ هوش‌ گلر
اييمك‌-ايچمك‌ خوش‌ گلر
كوي‌ كوپ‌ بولار باشيندا
 
اون‌ باشه‌ يتسه‌ سالي‌
 قالقار كونگول‌ خيالي‌
چالار جاهل‌ليق‌ يلي‌
 جوان‌ گورنر دويشونده‌
 
جوان‌ليق‌ اودي‌ يانار
اوغلانليقدان‌ نرخ‌ دونر
هر گون‌ بير عشقه‌ مونر
اول‌ ييگريمي‌ ياشيندا
 
گوزونگ‌ قالدير سن‌ مالا
اوغرار سن‌ خام‌ خيالا
گويجونگ‌ گلر كمالا
 اوتوزا اولاشاندا
 
جاهل‌ بولان‌ كم‌ بولار
نه‌ آنگا مرهم‌ بولار
قيرقدا عقل‌ جم‌ بولار
آدمزادينگ‌ باشيندا
 
ياش‌ اللي‌گه‌ گيدنده‌
 بولار قارري‌ آديندا
اولوم‌ بولار ياديندا
 سانغي‌ ادر ايشينده‌
 
دوشموشم‌ سودايه‌ دييپ‌
سودالي‌ غوغايه‌ دييپ‌
گچدي‌ عمريم‌ ضايه‌ دييپ‌
 آه‌ اورار آلتميشيندا
 
يتميشده‌ لاش‌ قاقلانار
جان‌ جسدده‌ ساقلانار
قايغي‌ - حسرت‌ چوقلانار
كوستي‌ بولار ايشينده‌
 
قواتي‌ يوق‌ توتاندا
اينجالمايين‌ ياتاندا
ياش‌ سگسنه‌ يتنده‌
تانيماز اوغراشاندا
 
چيقماز ايچردن‌ داشا
باقماز قوم‌ - قارداشا
اولي‌ دييرلر اول‌ كيشا
ياش‌ توغسانا آشاندا
 
مختومقلي‌ همتي‌
قالماز قدر - قيمتي‌
پيغمبرينگ‌ امتي‌
هيچ‌ بولار يوز ياشيندا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی