ميهماني‌دير



درددير بو جانينگ‌ ذلتي‌
ساغليق‌ آنينگ‌ سلط‌اني‌ دير
تن‌ ملكي‌نينگ‌ سر دولتي‌
 دينماز اوتر، ميهماني‌ دير

نفس‌ ايله‌ييپ‌ سركش‌ليگي‌
تن‌ تختي‌نينگ‌ ميدانيدا
روز ازل‌ روحونگ‌، يقين‌
شول‌ عهدي‌، شول‌ پيماني‌ دير

بو بازاره‌ گلگن‌ كيشي‌
اخلاصين‌ عاري‌ ايله‌سين‌
قابل‌ بولان‌ اخلاص‌لي‌ قول‌
مردان‌لارينگ‌ مرداني‌ دير

دييسه‌ بولار صد آفرين‌،
روحونگ‌ بسلاپ‌، نفسين‌ باسان‌
حقيقت‌ آنينگ‌ بازاري‌
حق‌ مجلسي‌ ميداني‌ دير

واي‌ حالينه‌ نفسين‌ سوين‌
جان‌ اثرين‌ عاجز قويان‌
روز جزا يولداش‌ آنگا
بد ايش‌لرينگ‌ پشماني‌ دير

ار تاپماديم‌ قوللوق‌ ادم‌
يول‌ تاپماديم‌ حجه‌ گيدم‌
بو ايكي‌ ايش‌ بو تن‌ ارا
بو جانيمينگ‌ آرماني‌ دير

مختومقلي‌ بير غمزده‌
 تا كي‌ بو درد ايله‌ گيدر
باش‌ گون‌ بو فاني‌ دنياده‌
بير عاشقينگ‌ دوراني‌ دير


تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی