ميدان‌يولوقسا



 بدو اولسه‌، ميدان‌ قالار آرمانلي‌
 حق‌ عشقينه‌ آط‌ سال‌ ميدان‌ يولوقسا
ييگيت‌ اولسه‌ هنگام‌ قالار دورانلي‌
وقتينگي‌ خوش‌ گچير دوران‌ يولوقسا
 
ييگيت‌ باردير سوزون‌ تاپماز سورري‌دير
ييگيت‌ باردير دمي‌ داشلار اريدير
جاي‌ يرينده‌ قايرا قالسا، قارري‌دير
قوچ‌ ييگيدينگ‌ آط‌ي‌ چامان‌ يولوقسا
 
ايشي‌ درست‌ گلمز كونگول‌ چنينه‌
دوداغيني‌ ديشلاپ‌: "آه‌!" ديير زنينه‌
ييلان‌ زهري‌ بولوپ‌ يايرير تنينه‌
ييگيت‌ قاررير خاتين‌ يامان‌ يولوقسا
 
يوز نامرد يريني‌ توتماز بير مردينگ‌
مرد چكر تعصيبين‌ ايلينگ‌ ـ يوردونگ‌
بيتيرن‌ ايشي‌ني‌ گورينگ‌ نامردينگ‌
جنگ‌ ديييبان‌ قاچار دومان‌ يولوقسا
 
مختومقلي‌ اوگيت‌ برگيل‌ سوز بيله‌
اشيدن‌ دنگ‌ بولماز گورن‌ گوز بيله‌
مرد چيقار ميهمانه‌ گولر يوز بيلن‌
نامرد اوزون‌ گيزلار مهمان‌ يولوقسا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی