منگزارحكملي



كونگول‌لر كوشكونده‌ خيالينگ‌ خاني‌
اولاد هونگكاره‌ منگزار حكملي‌.
عاشق‌ چكر نالاني‌،
ياسا سالار لالاني‌،
يرده‌ بشر پادشاهي‌،
خدايمينگ‌ حالاني‌،
غمزانگ‌ قراقچي‌سي‌ سالار تالاني‌،
كيرپيگينگ‌ اوق‌، قاشينگ‌ يايدير چكيملي‌.
 
گوزل‌لرينگ‌ وصفين‌ اتسه‌لر قاندا،
عالم‌ آغزي‌ تمام‌ جمع‌ اولا سنده‌،
تا جان‌ باردير بو تنده‌،
آرزومنديم‌ بار سنده‌،
آدينگ‌ روما دوشدي‌،
آوازانگ‌ گيتدي‌ هنده‌،
ليلي‌ سانگا كنيزك‌،
زليخا بولسون‌ بنده‌،
من‌هم‌سنينگ‌دردينگدن‌قاليپ‌ارديم‌درمانده‌،
باغدا بيتم‌ گل‌ چهره‌ سن‌ بولغور باقيملي‌.
 
عشقينگ‌ آتشيني‌ ساچيپ‌ سن‌ دوزه‌،
جان‌ پولاتدان‌ بولسا، دوزمز بو كوزه‌،
قونسا دلبر، بو كوزه‌،
زبان‌ گلر هر سوزه‌،
گوركونگ‌گونشي‌دوغسا،
نه‌ سان‌ باردير ييلديزا،
آلما زنخدانا، بو كوموش‌ يوزه‌
سياه‌ زلفينگ‌ صورتگر دير دوكوملي‌.
 
هماي‌ اوتوريش‌لي‌، لاچين‌ توروش‌لي‌،
كبوتر توپوق‌لي‌، مارال‌ گوروش‌لي‌،
تازه‌ هلال‌ قاش‌لي‌، مرواريد ديش‌لي‌،
ط‌اووس‌ قوش‌ زينت‌لي‌، لاهوت‌ تاويش‌لي‌،
تذرو شيوه‌لي‌، كاكيليك‌ يوريش‌لي‌،
توغون‌ قوش‌ تيمارلي‌، تارلان‌ باقيملي‌.
 
باغلانيبان‌ چيقسانگ‌ شده‌يي‌ گلزار،
حسنونگ‌ خيالاتي‌ عالمني‌ آلدار،
عاشق‌ آيدار: "اي‌ دلدار،
حسني‌ گونه‌ تاي‌ دلدار،
تاپار حجينگ‌ ثوابين‌
هركيم‌ بيرغريب‌ قولدار،
مختومقلي‌، سن‌ دك‌ گورمه‌ديم‌، دلدار،
بو جانا يارالي‌، كونگله‌ ياقيملي‌.

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی