مارچيقار



اي‌ يارانلار، آخرزمان‌ بولاندا
باش‌ كيشي‌ دييپ‌ خرش‌ آدلي‌ مار چيقار
موندا يامان‌ يولدا گزن‌ قارداش‌لار
محشر گوني‌ آندا يري‌ دار چيقار
 
بالدان‌ دير، سويت‌دن‌ دير آقان‌ بولاغي‌
مومن‌لرينگ‌ براغ‌ بولار اولاغي‌
ياجوج‌ - ماجوج‌، يره‌ دوشر قولاغي‌
دوستوم‌، بيله‌ نشانه‌لي‌ خر چيقار
 
دنيا بيلن‌ دين‌لريني‌ بوزان‌لار
غيبت‌ سوزلاپ‌، يالان‌ گواه‌ دوزن‌لر
نامحرمه‌ نظ‌ر ساليپ‌ گزن‌لر
موندا گوزلي‌ بولسا، اوندا كور چيقار
 
كافرلارينگ‌ داشلار اينر سريندن‌
علي‌، حاتم‌ چيقماز جنت‌ توروندن‌
"واي‌، امتيم‌!" ديييپ‌ تورار يريندن
‌محشر گوني‌ رسول‌ آدلي‌ ار چيقار
 
مختومقلي‌ بو يوللاردان‌ چيقماغيل‌
دوزولگن‌ رباط‌ دير، دينينگ‌ ييقماغيل‌
اوزولمز تهمتي‌ بوينا داقماغيل‌
حقا دوغري‌ گلن‌، بلكي‌، شير چيقار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی