نابيلسين



اوز اميدينگ‌ اوزون‌ بيلمز آدامدان‌
آنگلاماز اول‌ عامي‌ خاصي‌ نابيلسين‌
نه‌ ط‌ما بار چاقير ايچن‌ گدمدن‌
بوزه‌خور ياغشي‌ني‌، ياسي‌ نابيلسين‌
 
يامانا ياغشي‌ سوز يوقماز، تاشلانار
آنگلار ارينگ‌ آنگلانماسي‌ گويچله‌نر
ايت‌ يالين‌ توپراغا دوكسنگ‌ خوشلانار
توپراغي‌، تاباغي‌، تاسي‌ نابيلسين‌
 
بت‌ پرست‌لر قيلسا روزه‌ نمازي‌
آنگا نصيب‌ بولماز بهشتينگ‌ يازي‌
عالمي‌ گوترسه‌ ابرينگ‌ آوازي‌
اشيتمز، كر فقير سسي‌ نابيلسين‌
 
دينگله‌ سوزوم‌، نر ضربيني‌ نر تانير
خر باقان‌ خر تانير، محك‌ زر تانير
اي‌ يارانلار ار ييگيدي‌ ار تانير
نامردلار ياغشي‌ني‌،پيسي‌ نابيلسين‌
 
مختومقلي‌ آيدار، سوزلريم‌ حق‌ دير
اما حق‌ سوزه‌ تن‌ برن‌ يوقدور
بير گوزلي‌ دييمه‌سه‌، قارادير، آق‌ دير
كور فقير كوموشي‌، ميسي‌ نابيلسين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی