ناس‌آتان



گويا بو دنياگه‌ گلدينگ‌، گلمه‌دينگ‌
كول‌ ييغار سن‌، ميدام‌ ايشينگ‌ ناس‌ آتان‌
شريعت‌ يولوندان‌ خبر آلمادينگ‌
قالار دوزخ‌ ايچره‌ لاشينگ‌ ناس‌ آتان‌
 
تماكي‌ دييپ‌ هر ايشيگه‌ يورتار سن‌
چالا آويپ‌، اوچ‌ مثقالدان‌ تارتار سن‌
بير سومگوريپ‌، يانباشينگا سورتر سن‌
حرام‌ بولار اوست‌ و باشينگ‌ ناس‌ آتان‌
 
نمازه‌ دورانگدا، اوستونگه‌ آقار
آنينگ‌ اوچين‌ مونگ‌ ييل‌ دوزخدا ياقار
"ويل‌" دييگن‌ جايدا توتونينگ‌ چيقار
قبول‌ بولماز گوزده‌ ياشينگ‌، ناس‌ آتان‌
 
ياغشي‌ يامان‌ ادن‌ ايشينگ‌ ـ "حق‌ ادر"
ناس‌ آتان‌لار قلم‌پورون‌ چاق‌ ادر
آقار دورار، اوستي‌-باشينگ‌ پوخ‌ ادر
سندن‌ قاچار دنگي‌-دوشونگ‌، ناس‌ آتان‌
 
گوزونگ‌ني‌ ياشارديپ‌،مهرينگ‌قانديرار
گلسه‌ خمار، ايمانينگي‌ يانديرار
ط‌عام‌ اييسنگ‌، تاباغينگي‌ دولدورار
مردار بولار ايچن‌ آشينگ‌، ناس‌ آتان‌
 
هر آدامي‌ گورسنگ‌، گيزلاپ‌ قاچار سن‌
بورنونگدان‌ دم‌ گلمز، آغزينگ‌ آچار سن‌
كيپي‌ گلسه‌، اوغول‌-قيزدان‌ گچر سن‌
حيران‌ بولار اوبا-قونگشينگ‌، ناس‌ آتان‌
 
قيرقينگا بارانگدا، بينينگه‌ چيقار
بو شيرين‌ جانينگي‌  دوزخدا ياقار
چاقجانگي‌ اوت‌ ايلاپ‌، بورونگا ديقار
زخمينگدان‌ دوكولر ديشينگ‌، ناس‌ آتان‌
 
مختومقلي‌، اوله‌نن‌ سونگ‌ بيلرلر
جنازه‌ اوقيماي‌، بورنونگ‌ ديلرلر
"سقر" دييگن‌ جايا سني‌ سالارلار
نارا دونر ايچينگ‌-داشينگ‌، ناس‌ آتان‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی