نألِر بوْلدی



ای یارانلار، مسلمان لار
جهان یوْقدان، نألِر بوْلدی؟!
حق اؤزی اؤزونه توتموش
یتمیش مونگ پرده لر بوْلدی

نام- نشانه یوْقدی یردن
آسماندان، جنَتدن، حویردن
آنینگ ایچ پرده سی نوردان
رسول الله- شوْلار بوْلدی

اول نوری قوُشه دؤندِردی
بیر درخت اوسته موندوردی
ایزیندان سلام گؤندِردی
دِریندِن دریالار بوْلدی

قُدرتدان بیر دریا قیلدی
هیبت بیله نظر سالدی
گؤک سؤووُندان آسمان قالدی
کؤپوگیندن یرلر بوْلدی

قوُشی اوْل یردن گؤتِرتدی
التیپ قندیلده اؤتورتدی
اول نور اؤزونی تبرِتدی
جمله ملایک لر بوْلدی

اوتدان عزازیل یارالدی
یدی قات یرده جای آلدی
قوُللوُق ایلأپ، گؤگه قالدی
اُستادی مِلِک لر بوْلدی

قادرینگ قُدرت دیر ایشی 
یر میخی دیر داغی داشی
ساغی ارکِک، سوْلی دیشی
شیله قدرت دؤولر بوْلدی

حق یاراتدی شوْل پیس لری
سِگسِن گِز بوْلدی پِس لری
آسمانه چیقدی سس لری
اللی مونگ ییل شؤولار بوْلدی

مختومقلی، آشدینگ سِردن
هیچ کیمسه بیلمز بوسِرَدان
توْپراق آلنیپ یدی یردن
آدم صفی الله بوْلدی

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی