نقصاناگلگي‌



مسلمانلار قيليچ‌ اورسا بير-بيره‌
دولت‌ دونوب‌، دين‌لر نقصانا گلگي‌
ظ‌لم‌ ايلاپ‌، بير-بيرين‌ سالسا يسيره‌
فلك‌ بو فكردن‌ پشمانا گلگي‌
 
بير-بيريني‌ چاپماق‌ ارمس‌ ارليكدن‌
بو ايش‌ شيط‌اني‌دير، بلكي‌، كورلوكدن‌
آغزآلاليق‌ آيرار ايلي‌ ديرليكدن‌
دولت‌ دونوب‌، نوبت‌ دوشمانا گلگي‌
 
گورلده‌ يوق‌ بولدي‌، بير حسيب‌ قالدي‌
يامان‌ يالاولاندي‌، يول‌ كسيپ‌ قالدي‌
شريعت‌ هيچ‌ بولدي‌، بير تعصيب‌ قالدي‌
زمانانينگ‌ ذوقي‌ شيط‌انا گلگي‌
 
دينگله‌، مسكن‌ توتان‌ كيشي‌ چول‌لرده‌
تصدق‌ كملسه‌ اولوغ‌ ايل‌لرده‌
خلق‌ اوستونه‌ آغرام‌ دوشوپ‌ ييل‌لاردا
خسته‌ليق‌ كوپه‌ليپ‌، قصد جانا گلگي‌
 
مسلمان‌ سن‌، خبر آلغيل‌ ذلالدان‌
قاچاور حرامدان‌، ايسله‌ حلالدان‌
اولچه‌گين‌ كيچلديپ‌، داشين‌ اولالدان‌
بركتي‌ گوچوب‌، آسمانا گلگي‌
 
سوزومني‌ دينگه‌يه‌ بير بيلن‌، بلكا
مراديم‌ ــ نصيحت‌ اتمك‌دير خلقا
قاضي‌سي‌ آنگلاماز، بگي‌ پيس‌ اولكا
ياغمير ياغماي‌، يرلر قيزمانا گلگي‌
 
شره‌ شهرت‌ برمك‌، شيط‌انينگ‌ كاري‌
قهرين‌ يووتماق‌ رحمانينگ‌ كاري‌
كوپلسه‌ هر ايلينگ‌ سري‌ - سركاري‌
نظ‌امي‌ بوزوليپ‌، ويرانا گلگي‌
 
پروردگار اوزي‌ فقيره‌ پنا
اول‌ كيمدير، بولماغاي‌ تيلينده‌ ثنا
قايسي‌ ولايتدا كوپلسه‌ زنا
زمين‌ جنبش‌ ايلاپ‌، لرزانا گلگي‌
 
مختومقلي‌ دورسام‌ سوزوم‌ ساچماغا
آنگلامازلار، يوز قويارلار قاچماغا
هر ايل‌ دستور اتسه‌ شراب‌ ايچماگه‌
اول‌ يورتدا ط‌اعون‌ دورمانا گلگي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی