نظ‌رايله‌



تن‌ قفس‌غا گرفتار، گل‌، جانا نظ‌ر ايله‌
باق‌، كونگول‌ گوزگوسينه‌، جانانا نظ‌ر ايله‌
عبرت‌ گوزوني‌ آچيپ‌، جهانا نظ‌ر ايله‌
ايكي‌ گامي‌ توتماغان‌، بير يانا نظ‌ر ايله‌
هيچ‌ كيمگه‌ بقا برمز، دورانا نظ‌ر ايله‌
دورانينا دايانغان‌ انسانا نظ‌ر ايله‌
بو قونوپ‌ - گوچوپ‌ بارغان‌ كاروانه‌ نظ‌ر ايله‌
 
بو دوران‌ ايچره‌ كونگول‌ قوشلاري‌ ايلار پرواز
گويا مرغ‌ سحر دير، شب‌ سخن‌ ايلار آغاز
باغ‌ ايچره‌ بلبل‌ اولوپ‌، اوقير نغمه‌ هزار ساز
خدايه‌ توبه‌ ايلاپ‌، درگاهينه‌ دوندوم‌ باز
عمر آز، دوران‌ دراز، نه‌ روزه‌ بار، نه‌ نماز
اويان‌ خواب‌ غفلت‌دان‌، حشره‌ منگزار فصل‌ ياز
عالم‌لار تسبيح‌ اوقير، هر يانا نظ‌ر ايله‌
 
اولمس‌ من‌ دييپ‌ دوشمه‌سين‌، كونگلونگ‌ بو گمان‌ ايچره‌
عمره‌ يوقدور اعتبار، اوتگچي‌ زمان‌ ايچره‌
اجل‌ قويموش‌ اوق‌ - كزين‌، كيريش‌گه‌ كمان‌ ايچره‌
بنداگه‌ نه‌ آرمان‌دير، جان‌ برسه‌ ايمان‌ ايچره‌
سوزله‌ سوزونگ‌ ياييلسين‌ بو ياغشي‌ - يامان‌ ايچره‌
آز عمره‌ آغير ايش‌لر قوروپ‌ سن‌ جهان‌ ايچره‌
مقيم‌ ايشيني‌ توتان‌ ميهمانه‌ نظ‌ر ايله‌
 
واه‌، نه‌ هوشدور عاشقه‌ خلوت‌ يارا اولاشماق‌
حال‌ - احوالينگ‌ سوراشيپ‌، قول‌ بويونا ساليشماق‌
محشرينگ‌ نشري‌ يانگليغ‌ تن‌، جان‌ كيمين‌ بولوشماق‌
بير-بيرگه‌ دردين‌ دوكوپ‌، سرگذشتين‌ قيليشماق‌
تاو بريلگان‌ رشته‌ دي‌ چيرماشيبان‌ - چولاشماق‌
دوست‌لار نه‌ مشكل‌ ايش‌دير، قاويشيپ‌، آيريليشماق‌
وصاله‌ مغرور اولما، هجرانه نظ‌ر ايله‌
 
مختومقلي‌، سوزله‌مي‌ قويماز دورماغا دردينگ‌
يالانچيدا آيلانيپ‌، آلتميش‌ يانا ال‌ گردينگ‌
فانيني‌ باقي‌ بيلدينگ‌; يلدينگ‌ - اوسدينگ‌، يوويردينگ‌
دوستونگا ايذا بردينگ‌، دوشمانه‌ يوز اوويردينگ‌
عزيز جانينگ‌ فدا قيل‌، ساياسيندا بير مردينگ‌
اوتوز دورت‌ ياشا گلدينگ‌، بو جهانده‌ نه‌ گوردونگ‌
"قرآنه‌" قولاق‌ قويوپ‌، فرمانه‌ نظ‌ر ايله‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی