ناگه‌ياتيپ‌سن‌



اي‌ اولكه‌سي‌ آباد، ملكينه‌ مغرور
ملكينگ‌ بقاسي‌ يوق‌، ناگه‌ ياتيپ‌ سن‌
اي‌ اقبالي‌ بيدار، دولته‌ مسرور
دولت‌ وفاسي‌ يوق‌، ناگه‌ ياتيپ‌ سن‌
 
شيرين‌ جان‌ رشته‌سي‌ تنده‌ اوسال‌ دير
نفسينگ‌ بير مگس‌ دير، مال‌ بير عسل‌ دير
دنيا آب‌ سيل‌ دير، عمر بير يل‌ دير
عمره‌ اعتبار يوق‌، ناگه‌ ياتيپ‌ سن‌
 
ط‌اعت‌ بير درگاه‌ يولدور باسغانچاق‌
ايشينگ‌ بيله‌ بولسا، دورما سن‌ آنجاق‌
اوغول‌، قيز مال‌ و زن‌ سانگا آسغانجاق‌
قويمازلار گزماگه‌ ناگه‌ ياتيپ‌ سن‌
 
فلك‌ سنگسار داشين‌ سانگا آتيپ‌ دير
زمين‌ آژدارهاسي‌ پايينگ‌ يووتيپ‌ دير
اجل‌ تيز اوراغين‌ قولدا توتيپ‌ دير
بي‌ نوربات‌دير، بيچر، ناگه‌ ياتيپ‌ سن‌
 
مختومقلي‌، ايشيم‌ آه‌ و زاري‌ دير
بير مكمل‌ ارينگ‌ خريداري‌ دير
دنيا آخرتينگ‌ كشتكاري‌ دير
تخم‌ ساچياورگين‌، ناگه‌ ياتيپ‌ سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی