وفات‌بار



 صوفي‌لار، صافي‌لار، حاضر بولونگلار
اجل‌ بار و حيات‌ بار و وفات‌ بار
يامان‌ ايشدن‌ همه‌ ناصر بولونگلار
سوراغ‌ بار و سوال‌ بار و هيهات‌ بار
 
منكر، نكير دار گور ايچره‌ گلرلر
"تانگري‌، پيغامبرينگ‌ كيم‌؟" دييپ‌ سورارلار
بيلمز ارسنگ‌، چوخ‌ عذابلار بررلر
گرزي‌ بار و، قهر بار و، هيبت‌ بار


اول‌ قارانگقي‌ گور ايچينده‌ ياتار سن‌
بيچاره‌ سن‌، حق‌ بويروغين‌ توتار سن‌
اسرافيل‌ صوريندا يردن‌ چيقار سن‌
محشر بار و، ميزان‌ بار و، صراط‌ بار
 
آندا ميزان‌ تره‌زي‌سين‌ قورارلار
اعمال‌لارينگ‌ اوشول‌ يرده‌ سورارلار
عاصي‌لارا دوزخ‌ ساري‌ سوررلر
مالك‌ بار و، دوزخ‌ بار و، هم‌ اوت‌ بار
 
مختومقلي‌ ياشينگ‌ ايله‌گيل‌ گريان‌
اول‌ گون‌ هيبتي‌دان‌ قيلغاي‌ حق‌ آسان‌
اولسه‌ آخر دمده‌ همراهي‌ ايمان‌
جنت‌ بار و، محنت‌ بار و، نجات‌ بار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی