همراه‌بولسانگ‌يوربيلاني‌



گل‌ كونگلوم‌ يارا گيديلي‌
همراه‌ بولسانگ‌، يور بيلاني‌
يار يولوندا قدم‌ قويساق‌
پاي‌ اورنوندا سر بيلاني‌
 
آسمانينگ‌ گوركي‌ انوردير
دنيا گوركي‌ سيم‌ و زردير
جسد - توپراق‌، جان‌ جوهردير
آليپ‌ بولماز زر بيلاني‌
 
شونقارينگ‌ پري‌ يتيلر
كوپ‌ داشي‌ ييراق‌ آتيلار
ييگيدينگ‌ آدي‌ توتولار
قارينداش‌، خوسسار ايچينده‌
 
قووانماغيل‌ سيراتينا
مونر سن‌ قهر آط‌ينا
دوش‌ بولسانگ‌ يامان‌ خاتينا
عمرينگ‌ اوتر شر بيلاني‌
 
بخيل‌ بايدا برين‌ بولماز
مردينگ‌ سوزون‌ باور قيلماز
آوانانينگ‌ يوكي‌ قالماز
يولا گيرسنگ‌ نر بيلاني‌
 
غنيمت‌ دير قارداش‌ يوزي‌
دوادير قدمي‌-توزي‌
بير ابلهينگ‌ ناكس‌ سوزي‌
برابردير نار بيلاني‌
 
پيسينگ‌ قارشي‌سيندا دورما
بخيلينگ‌ يوزوني‌ گورمه‌
كر بيلن‌ خلوت‌ سوز اورما
يولا گيرمه‌ كور بيلاني‌
 
يامان‌ بيلن‌ يولداش‌ بولما
دوشمان‌ بيله‌ سيرداش‌ بولما
ط‌عامدا تاباقداش‌ بولما
افلس‌، حرامخوار بيلاني‌
 
يامان‌ هيچ‌ نصيحت‌ توتماز
ياغشي‌ سوزه‌ قولاق‌ گويتمز
هيچ‌ بير سوزونگ‌ اورا گيتمز
ناكس‌ سخن‌ شور بيلاني‌
 
ايلينگدن‌ گيتسنگ‌ آواره‌
شوندا بولار سن‌ بيچاره‌
قونگشي‌ بولسانگ‌ خرامخواره‌
ستم‌ ايلار زور بيلاني‌
 
آلغيل‌ پنديم‌، آقماق‌ كيشي‌
اوزونگه‌ قيلما كاييشي‌
گوترمه‌سه‌ دولت‌ قوشي‌
اوچوپ‌ بولماز پر بيلاني‌
 
ياغشي‌غا اوزونگ‌ يار ايله‌
مجلسينده‌ بازار ايله‌
رفت‌-آمد قيل‌، ميدار ايله‌
سووش‌ اتمه‌ شير بيلاني‌
 
مختومقلي‌، ياقين‌، يادلار
غمگين‌لار و كونگول‌ شادلار
دنيا گلن‌ بارچا زاتلار
يكسان‌ بولار ير بيلاني‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی