يترسن‌



گلن‌ گچر، قونان‌ گوچر، آدمزاد
يوري‌، سن‌ هم‌ بير منزله‌ يتر سن‌
يالانچيدا يگ‌دير قالسا ياغشي‌ آد
بو دنياگه‌ گلميش‌ بولسانگ‌، اوتر سن‌
 
غافل‌ آدم‌ يادا سالسا اوز اصلين‌
فلك‌ قويموش‌ اجل‌ آدلي‌ ماسيلين‌
گلن‌ - گچسه‌، اكن‌ بيچسه‌ حاصلين‌
اورتا يرده‌ سن‌ نه‌ ايشلر توتار سن‌
 
جفا قويما، كاييتمه‌گين‌ بو جانينگ‌
سريشته‌سي‌ هيچ‌ توتدورماز جهانينگ‌
ترپنديكچه‌، دردي‌ آرتار دنيانينگ‌
قدم‌ قويسانگ‌، گوورانگ‌ بيرله‌ باتار سن‌
 
جوشغون‌ گلدي‌، حقدان‌ باردي‌، سوز آشدي‌
بو يوللاردان‌ دوغري‌ بارغان‌ دوز آشدي‌
بيهوده‌ ايمس‌دير عمرينگ‌ گذشتي‌
هر چاشينگه‌ بير گونونگي‌ ساتار سن‌
 
دوزاق‌ قورار آل‌ قماشينگ‌، سيم‌ زرينگ‌
گذرگاهينگ‌ توتوپ‌ دورموش‌ بو يرينگ‌
گرم‌ ايله‌دينگ‌، فلك‌، سن‌ بو بازارينگ‌
معلوم‌ دير كه‌، بو سودادا اوتار سن‌
 
مغرور اولوپ‌ بو دورت‌ گونونگ‌ ديرليگنه‌
ابد قالما قيامتينگ‌ خورلوغنا
اينانماغيل‌ بو دنيانينگ‌ بارليغنا
"بار، بار" بيلن‌، يوق‌ بولار سن‌، ييتر سن‌
 
مختومقلي‌، باشينگدا يوز كوي‌ باردير
آيري‌ منزل‌، آيري‌ مكان‌، جاي‌ باردير
لحد آتلي‌ دار، دوشك‌سيز اوي‌ باردير
اول‌ اوي‌ ايچره‌ تا قيامت‌ ياتار سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی