ياشيل‌زمرد



 ايلكي‌ آسمان‌ توتموش‌ اختردن‌ زينت‌
آدي‌ رفعه‌، اصلي‌ ياشيل‌ زمرد

فرشته‌سي‌ باردير سيغير صورتليغ‌
بييكلري‌ باردير اسماعيل‌ آتليغ‌

ايكينجي‌ قات‌ گوگي‌ دييسم‌ بو باشدان‌
آدي‌ ارقلون‌ دير، اصلي‌ كوموشدن‌

فرشته‌سي‌ باردير بورگوت‌ صورتليغ‌
بييك‌لري‌ باردير قباييل‌ آتليغ‌

اوچونجي‌ گوك‌ رنگي‌ آيينماز اوتدان‌
آدي‌ قايدوم‌، اصلي‌ قيزيل‌ ياقوتدان‌

فرشته‌سي‌ باردير بوري‌ صورتليغ‌
بييك‌لري‌ باردير كوكباييل‌ آتليغ‌

دوردونجي‌قات‌آسمان‌سوراسانگ‌،نه‌دير؟
آدي‌ ماعون‌، اصلي‌ آق‌ هونجودن‌دير

فرشته‌سي‌ باردير آق‌ آط‌ صورتليغ‌
بييك‌لري‌ باردير نونباييل‌ آتليغ‌

باشينجي‌ قات‌ گوگي‌ سوراسانگ‌ مندن‌
آدي‌ رنقا، آصلي‌ قيزيل‌ آلتيندان‌

فرشته‌سي‌ باردير حورلر صورتليغ‌
بييك‌لري‌ باردير،صفتاييل‌ آتليغ‌

آلتينجي‌ قات‌ گوگي‌ سويله‌سم‌ ياددان‌
آدي‌ رفقا، اصلي‌ ساري‌ ياقوتدان‌

فرشته‌سي‌ باردير ولدان‌ صورتليغ‌
بييك‌لري‌ باردير عباييل‌ آتليغ‌

سوراسانگ‌ يدينجي‌ قات‌ گوكداكي‌ سردان‌
آدي‌ عجبا دير، آسماني‌ نوردان‌

فرشته‌سي‌ باردير آدم‌ صورتليغ‌
بييك‌لري‌ باردير نورباييل‌ آتليغ‌

ير و آسمانداقي‌ بولان‌ سريشته‌
نظ‌ام‌ برن‌ ارر شول‌ دورت‌ فرشته‌

ميكاييل‌، اسرافيل‌، عزراييل‌ آتليغ‌
دوردونجي‌ باردير جبراييل‌ آتليغ‌

مختومقلي‌، فاش‌ ايله‌سنگ‌ سرينگ‌ هم‌
ايه‌سي‌ بار دريانينگ‌ هم‌، يرينگ‌ هم‌

يرلر بييگي‌ بار صرصاييل‌ آتليغ‌
دريالار بييگي‌ قرقاييل‌ آتليغ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی