يارليقاغيل‌گناهيمني



خدايا سن‌ كرم‌ ايله‌
يارليقاغيل‌ گناهيمني‌
عفو قيل‌ جرميمني‌ مندن‌
يارليقاغيل‌ گناهيمني‌
 
جفالارغا مني‌ توتما
گناهكار اهلينه‌ چاتما
تاموغينگ‌ اودونا آتما
يارليقاغيل‌ گناهيمني‌
 
گناهيم‌ كوپ‌ ارر بيحد
منينگ‌ حاليما سن‌ رحم‌ ات‌
ديلگ‌دن‌ قيلماغيل‌ ناميد
يارليقاغيل‌ گناهيمني‌
 
اگر سود و زيان‌ قيلديم‌
كي‌ بيلمس‌ من‌ يامان‌ قيلديم‌
سانگا درديم‌ عيان‌ قيلديم‌
يارليقاغيل‌ گناهيمني‌
 
كرمليك‌ پادشاهيم‌ سن‌
ياقين‌ بيلديم‌، اللهيم‌ سن‌
منينگ‌ پشت‌ و پناهيم‌ سن‌
يارليقاغيل‌ گناهيمني‌
 
سنينگ‌ زارينگ‌ بولوپ‌ ديرين‌
گرفتارينگ‌ بولوپ‌ ديرين‌
گناهكارينگ‌ بولوپ‌ ديرين‌
يارليقاغيل‌ گناهيمني‌
 
يوزون‌ مختومقلي‌، يا رب‌
سانگا توتدي‌ بولوپ‌ ط‌الب‌
يوق‌ درديمه‌ سن‌ دك‌ ط‌بيب‌
يارليقاغيل‌ گناهيمني‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی