يارچكر



تانگري‌ سوين‌ محمدينگ‌ امتي‌:
"بسم‌ الله‌" دييپ‌، اول‌ حقني‌ يار چكر
بي‌ ايمانلار هرگز گورمز جنتي‌
دوزخ‌ ايچره‌ كوپ‌ عذابلار بار، چكر
 
غم‌ چكيپ‌، آخرت‌ اويون‌ قازانلار
حقيقتي‌، شريعتي‌ دوزنلر
جفا چكيپ‌، حق‌ يولوندا گزنلر
سحر توروپ‌، ط‌اعتلارين‌ اير چكر
 
آدم‌ اوغلي‌ قيامت‌ گون‌ بولاندا
مومنينگ‌ گناهي‌ قالماز تنينده‌
پل‌ صراط‌ اوستونده‌، هيهات‌ گونونده‌
صوفيلارني‌ كرامتلي‌ پير چكر
 
تر آچيلان‌ تازه‌ گل‌لر سولاندا
عزراييل‌ آدمينگ‌ جانين‌ آلاندا
قيامت‌ آخري‌ ـ معشر بولاندا
سودخورلاري‌، غيبتكشي‌ نار چكر
 
سفركش‌لر ييراق‌ يولدان‌ قايداندا
آغير يوكلي‌ شترلاري‌ هايداندا
لاغار چوكوپ‌، يوكي‌ قالسا ميداندا
ميزلاماين‌ خاط‌ارداقي‌ نر چكر
 
ميدان‌ ايچره‌ باريپ‌، سووش‌ قورولسا
توووسديريپ‌، عرب‌ آط‌لار سورولسه‌
بير قوچ‌ ييگيت‌ قاليپ‌، بويني‌ بورولسا
آنينگ‌ عارين‌ آط‌ يوركلي‌ شير چكر
 
كيملر گزر بيري‌بارا يالباريپ‌
كيملر گزر حقيقتدا يول‌ يوريپ‌
بير بيچاره‌ گورسه‌ ـ دوران‌ تلموريپ‌
آنينگ‌ ايشين‌ غايت‌ گرچك‌ ار چكر
 
مختومقلي‌، ايشينگ‌ دوشسه‌ مرد بيله‌
نامرد باتير اولماز جدل‌ شرط‌ بيله‌
دوش‌ گلنده‌ همراه‌ بولسانگ‌ قورت‌ بيله‌
هر چند بولسا، آط‌ اوستونده‌ عار چكر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی