ياربيزيم‌ساري



قلزمي‌ قير سانيپ‌ قيرق‌ يول‌ گچر من‌
اگر كه‌ ميل‌ اتسه‌ يار بيزيم‌ ساري‌
قدم‌ يرينه‌ قانات‌ باغلاپ‌ اوچار من‌
دييسه‌ دلبر: عاشق‌ يور بيزيم‌ ساري‌
 
قيرق‌ييل‌ قول‌ قاوشيريپ‌ قوللوقدا دورسام‌
آلتي‌ گونچه‌ گورمن‌ آلتميش‌ ييل‌ يورسم‌
بير شونچاقلي‌ بولسا گورسم‌ جان‌ برسم‌
جمالين‌ عرض‌ اتسه‌ بير بيزيم‌ ساري‌
 
نه‌ لايقلي‌ يوزوم‌ باردير آيدارغا
نه‌ آيري‌ قافيم‌ بار آندان‌ گيدرگه‌
اميديم‌ بار قويماي‌ بلا بترگه‌
درگاهيندان‌ آچسا در بيزيم‌ ساري‌
 
بير كيمسه‌ يولوقدي‌ دستي‌ شرابلي‌
يلدن‌ جاي‌ نمازلي‌ سوودان‌ محرابلي‌
اگني‌ آق‌ ردالي‌ ياشيل‌ نقابلي‌
اوغراشدي‌ بير عجب‌ ار بيزيم‌ ساري‌
 
يولداش‌ بولوپ‌ بيله‌ يوردوم‌ بير ميدان‌
ميدان‌ ايچره‌ دولوپ‌ اوتورميش‌ مردان‌
بير ايوان‌ اوستونده‌ چيرلاپ‌ دورت‌ ياران‌
دييدي‌لر قولونگني‌ بر بيزيم‌ ساري‌
 
"فراغي‌!" دييپ‌ چاغيرديلار التدي‌لر
"قاندادينگ‌؟"دييپ‌ قولاغيمدان‌توتدي‌لار
استخوانيم‌ آلتميش‌ پاره‌ اتدي‌لر
دييدي‌لر مرد بولسانگ‌ يور بيزيم‌ ساري‌
 
مختومقلي‌ باش‌ گون‌ عشرت‌ سورماگه‌
جاي‌ ايمس‌ دير اگلنماگه‌ دورماغا
قراريم‌ يوق‌ اوتورماغا تورماغا
آغزين‌ آچيپ‌ دورموش‌ ير بيزيم‌ ساري‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی