يارايلار



عقلينگ‌ بولسا، ياغشي‌لارغا همدم‌ بول‌
آقماق‌ اوزون‌ نادان‌ بيله‌ يار ايلار
حق‌ عاشق‌لار نازلي‌ يارينگ‌ جمالين‌
بير گورسم‌ دييپ‌، گيجه‌-گونديززارايلار
 
ناگه‌ سيريم‌ بولسا، آيدار من‌ مرده‌
كرون‌ ياتا بيلمز قورقولي‌ يرده‌
اولوغ‌ ناميس‌لاردا ياراماز درده‌
نامرد اويده‌ سهل‌ ايشي‌ عار ايلار
 
نامرد كلفتيندن‌ قاليپ‌ من‌ درده‌
كونگلوم‌ جاي‌ تاپمايير بير پنهان‌ يرده‌
مالي‌ كوپ‌ دييپ‌، ميهمان‌ بولما نامرده‌
جومارت‌ هرچند غلا چ‌ بولسا، بار ايلار
 
نامرد اوز اويونده‌ مرده‌ سوز آيدار
حق‌ آنگا كار اتمز، ط‌نابين‌ دارتار
قوچ‌ ييگيت‌ مال‌ تاپسا، همتي‌ آرتار
نامرد باياديقچا، كونگلون‌ دار ايلار
 
مختومقلي‌، ايمدي‌ اوزونگني‌ گوزله‌
خير ايشينگ‌ آرتدير، ياماني‌ دوزله‌
عقلينگ‌ بولسا، معركه‌ده‌ آز سوزله‌
كوپ‌ سوز سني‌ ايل‌ ايچينده‌ خوار ايلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی