يايلاري‌باردير



قونار موندان‌، آنگلامازلار، گوچرلر
 كيريش‌سيز قورولان‌ يايلاري‌ باردير
ياقاسيز، اتك‌سيز بير دون‌ بيچرلر
ايشيك‌سيز،توينوك‌سيز اوي‌لري‌ باردير
 
آخرت‌ اويونه‌ التيپ‌ سالارلار
حق‌ رحمت‌ اتسين‌ دييپ‌ دعا قيلارلار
"من‌ ربك‌؟" دييپ‌، منكر، نكير گلرلر
جوابين‌ برمه‌سنگ‌، بايلاري‌ باردير
 
اتميشينگ‌ كوپ‌ بولسا، ير سني‌ قيسار
 سونگونگ‌ لرزان‌ اورار، يوره‌گينگ‌ تاوسار
ساغيندان‌-سولوندان‌ اوت‌-يالين‌ اوسر
 بي‌نمازينگ‌ شونداغ‌ اوي‌لري‌ باردير
 
اسفل‌ السافلين‌ آنگا دركاردير
 شيط‌ان‌ آنينگ‌ اوچين‌ كوپ‌ مددكاردير
جهنم‌ ديين‌ بير دوزخي‌ باردير
غيبت‌كشينگ‌ آندا جايلاري‌ باردير
 
نيچه‌ گوندير،حرامي‌ليق‌ ايزلايير
تاپا بيلسه‌، پنهان‌ يرده‌ گيزله‌يير
اوغري‌ گوندور، مال‌ ايه‌سي‌ سوزله‌يير
سجين‌، ويل‌ آتليغ‌ جايلاري‌ باردير
 
گوره‌ بيلمز قارداشيني‌، ايليني‌
 گچه‌ بيلمز آندا صراط‌ يولوني‌
تامشانا-تامشانا چينار تيليني‌
 فردا قيامتدا واي‌لاري‌ باردير
 
بسم‌ الله‌ دييپ‌ اوقيپ‌ قرآني‌ ياسين‌
كونگلونگدن‌ چيقارما حقينگ‌ ثناسين‌
مختومقلي‌، حق‌ گچيرگاي‌ گناسين‌
جنت‌ الماوا دك‌ جايلاري‌ باردير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی