يادياغشي



خوش‌ گونونگده‌ خوشلاشيبان‌ گزماگه‌
باريشماغا، گليشماگه‌ ياد ياغشي‌
غملي‌ گونونگ‌، قالماغالينگ‌ اوستونده‌
قارداش‌ ياغشي‌، دوغان‌ ياغشي‌،زات‌ ياغشي‌
 
حلال‌ ايشله‌، آخرتدن‌ وهمينگ‌ بار
فقيري‌ اينجيتما، كونگول‌ رحمينگ‌ بار
عاشق‌ آيدار، آزدا-كوپده‌ فهمينگ‌ بار
عاقل‌ بولسانگ‌ سوزه‌ قولاق‌ توت‌ ياغشي‌
 
ييگيدينگ‌ دنياده‌ اوچدور مرادي‌
شيرين‌ محبوب‌ ارر سونگكونگ‌ قواتي‌
يورك‌ دايانجي‌ دير اوغول‌ ذرياتي‌
محبوب‌ گرك‌، ياراغ‌ گرك‌، آط‌ ياغشي‌
 
ملالار آخرت‌ سوزون‌ سويلارلر
منكر اولما، گرچك‌ ايش‌ دير، ايلارلر
كيم‌ بيلر كي‌، آخرتده‌ نيلارلر
ايييپ‌، ايچيپ‌، مونوپ‌، قوچوپ‌ اوت‌ ياغشي‌
 
تانگري‌ گينگ‌ ايله‌سه‌ بنده‌ گونگلوني‌
رزق‌ آغزينا گيرر توتسانگ‌ اليني‌
دولت‌ گذر اتسه‌، تاپار يولوني‌
گلر بولسا، گيدر بولسا، ياد ياغشي‌
 
نفع‌ آلمايان‌ كيشي‌ سوزدن‌، اوويتدن‌
اناي‌ليغي‌ بولماز قوري‌ سوويتدن‌
دنگ‌ - دوش‌ بيلمز معني‌ آنگماز ييگيتدن‌
آغيلينگدا ايسسي‌ برن‌ ايت‌ ياغشي‌
 
مختومقلي‌، دوستدان‌ سيرينگ‌ گيزله‌مه‌
بيوفا دير نامحرمي‌ گوزله‌مه‌
اومسوم‌ اوتور، خلق‌ ايچينده‌ سوزله‌مه‌
سوزلار بولسانگ‌ سوز اصلينه‌ يت‌ ياغشي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی