يادبولار



محمد امتي‌ مال‌سيز بولماسين‌
مال‌سيز بولسا، دوغان‌ - قارداش‌ ياد بولار
قاچار آغانگ‌، اينينگ‌ بولماز خاط‌رانگ‌
قووانار دوشمانينگ‌، دوستونگ‌ مات‌ بولار
 
غريب‌ آياق‌ يالانگ‌، كندير قوشاقدير
بير معركا بارسا، اورني‌ آشاقدير
غريب‌لار آط‌ مينيب‌، دپسه‌ ـ اشك‌دير
دولت‌لي‌لر اشك‌ مينسه‌، آط‌ بولار
 
بير ديلگ‌ ديله‌سنگ‌ مهمينگ‌ بيتمز
دوستونگ‌ اخلاص‌ بيلن‌ مرحمت‌ اتمز
معركه‌ده‌ آيدان‌ سوزونگ‌ جاي‌ توتماز
دينگله‌مزلر، قوري‌، سوزونگ‌ باد بولار
 
گورش‌ بير آبراي‌، اوروش‌ بير دست‌دير
كيشي‌ني‌ كمسيدن‌ ــ اوزي‌ ناكس‌دير
بير مومنه‌ غيبت‌ اتمك‌ عبث‌دير
غيبت‌كشينگ‌ قازاناني‌ اوت‌ بولار
 
مختومقلي‌، شكر ايله‌گيل‌ خداغا
اولوم‌ برابردير شاه‌ و گداغا
بي‌صبر قول‌ تيز يولوغار بلاغا
صبرلي‌ قول‌ دورا-دورا شاد بولار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی