ييغلاپ‌گچرحاليمغا



گينگ‌ گووراني‌ غم‌ باسيپ‌ دير اوزوندن‌
باش‌ هم‌ بولسا، ييغلاپ‌ گچر حاليمغا
باغير ياشين‌ كونگول‌ توكر گوزوندن‌
قاش‌ هم‌ بولسا، ييغلاپ‌ گچر حاليمغا
 
قارريليغا دوندير ييگيت‌ چاغلاري‌
 گدا ايلار تاج‌ ايه‌سي‌ بگ‌لري‌
قوشون‌ دك‌ اريدر قاف‌ دك‌ داغلاري‌
داش‌ هم‌ بولسا، ييغلاپ‌ گچر حاليمغا
 
عالم‌ ايچره‌ بير آه‌ اورسام‌ بير ضربه‌
ادا بولار انسان‌، گلمز فيل‌ قربه‌
قاپلانگ‌ گويچدن‌ قالار دونر قورت‌ گربه‌
 قوش‌ هم‌ بولسا، ييغلاپ‌ گچر حاليمغا
 
پشيمان‌ من‌، ادن‌ اتميش‌ كاريمدن‌
بي‌ پروايام‌ بولان‌ بولموش‌ باريمدان‌
همراه‌ بولان‌ ياتا بيلمز زاريمدان‌ 
ياش‌ هم‌ بولسا آغلاپ‌ گچر حاليمغا
 
حق‌ عشقيدير بيزني‌ قويان‌ گوزلره‌
بو گوزلر دير قيمت‌ بولان‌ بيزلره‌
بلبل‌ ديل‌سيز قالار، بارسام‌ يازلارا
قيش‌ هم‌ بولسا، ييغلاپ‌ گچر حاليمغا
 
آنگلامايان‌ عشق‌ دردي‌نينگ‌ كاميندان‌
بارسا يوزون‌ توتوپ‌ گچر يانيندان‌
عشقه‌ دوشن‌ اميد اوزر جانيندان‌
لاش‌ هم‌ بولسا، ييغلاپ‌ گچر حاليمغا
 
فهم‌ ايله‌ين‌ مختومقلي‌ سوزوني‌
 درده‌ دوشوپ‌ ياشا دولدير گوزوني
شاد گولن‌لر توتا بيلـمز اوزوني‌
خوش‌ هم‌ بولسا، ييغلاپ‌ گچر حاليمغا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی