يوسف‌ديه‌- ديه‌



من‌ يعقوبم‌، آهي‌-زاري‌
چكم‌ يوسف‌ ديه‌-ديه‌
گوزلريمدن‌ قانلي‌ ياشي‌
دوكم‌ يوسف‌ ديه‌-ديه‌
 
فلك‌ ييغلار گوزياشيما
نه‌ سودا دوشدي‌ باشيما
مجنون‌ بولوپ‌ داغ‌ باشينا
چيقام‌ يوسف‌ ديه‌-ديه‌
 
بير ط‌رفدان‌ جلگه‌-جلگه‌
بولوت‌ اوينار، سالار كولگه‌
اون‌ آلتي‌ داغ‌، يدي‌ چولگه‌
سوكم‌ يوسف‌ ديه‌-ديه‌
 
گيتدي‌ يوسف‌، گلمز خبر
تورار من‌ ييغلاپ‌ هر سحر
قالا-قالا، شهر-شهر
سوكم‌ يوسف‌ ديه‌-ديه‌
 
مگر يوسف‌ دوشدي‌ چايا
جمالينگ‌ دييپ‌ باقام‌ آيا
عراق‌ زمين‌ كربلايا
باقام‌ يوسف‌ ديه‌-ديه‌
 
حسرتيما فلك‌ ييغلار
عاشق‌ بولدي‌ تيلسيززاغلار
فرهاد بولوپ‌ بييك‌ داغلار
ييقام‌ يوسف‌ ديه‌-ديه‌
 
يوسف‌ گزر تيلدن‌- تيله‌
شيدا بولوپ‌ چولدن‌- چوله‌
سوراغ‌ ساليپ‌ ايلدن‌- ايله‌
چيقام‌ يوسف‌ ديه‌- ديه‌
 
اوتر ايام‌ دونه‌- دونه‌
گچر بو جان‌ يانا- يانا
ارته‌، آغشام‌ آيا، گونه‌
باقام‌ يوسف‌ ديه‌- ديه‌
 
مختومقلي‌،دوست‌يوزوندن‌
دورماز، ياش‌ آقار گوزوندن‌
بلبل‌ بولوپ‌ يار سوزوندن‌
اوقام‌ يوسف‌ ديه‌- ديه‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی