يرآندادير



بارچا "انسان‌ من‌" ديير، انسان‌ بولار ير آندادير
مسكين‌ آدي‌ بيرله‌ اوت‌، سلط‌ان‌ بولار ير آندادير
ط‌اعت‌ و روزه‌، نماز قيلغان‌ بولار ير آندادير
شاد و خرم‌ بولماغيل‌، حيران‌ بولار ير آندادير
كيمه‌ جنت‌، كيمه‌ نار فرمان‌ بولار ير آندادير
 
بو عبث‌ دنياني‌ قوي‌، عقبي‌ ايشينه‌ قيل‌ هوس‌
قيل‌ توكل‌ تانگريغا، ذكرينده‌ بولغول‌ هر نفس‌
موندا اول‌، آندا تيريل‌، اوشبو تيريكليكدير عبث‌
عاقل‌ اولدور، آخرت‌ غميندان‌ اوزگه‌ غم‌ اييمس‌
غم‌ اييگنلر آچيليپ‌، جاندان‌ بولار ير آندادير
 
بير مكمل‌ الگين‌ آل‌، ذكرينده‌ بولغول‌ هر زمان‌
كوپ‌ مشقتلار گورر يوقسا اوشول‌ بو جسم‌ و جان‌
كيم‌ عقوبت‌ ايچره‌ قالغاي‌، كيملري‌ بولغاي‌ آمان‌
كيملري‌ شاد، كيملري‌ گوزونده‌ ياش‌، باغريندا غان‌
فضل‌ ايله‌سه‌، مشكل‌ ايش‌ آسان‌ بولار ير آندادير
 
فاني‌ بولماقدير غرض‌ بو دنيادن‌ انس‌ و پري‌
بو فنادا كيم‌ قالار، گچدي‌ رسول‌ دك‌ سروري‌
اول‌ رستم‌ داستان‌ قاني‌، حق‌ شيري‌ هم‌ حيدري‌
روز محشر مصط‌في‌غا ييغلاشيپ‌ امتلاري‌
"گل‌ شفاعت‌ قيل‌!" ديييپ‌، گريان‌ بولار ير آندادير
 
كوپ‌ خط‌ا ايش‌ ايله‌دينگ‌، چكدينگ‌ جفا و دردسر
مال‌ و ملكينگ‌ بارچاسي‌ كلي‌ عبثدير، بي‌خبر
تازه‌ ط‌هارت‌ ايله‌گيل‌، تانگري‌ كتابين‌ قيل‌ نظ‌ر
تانگريغا زار ايله‌بان‌، قيلغيل‌ دعاني‌ هر سحر
قوللوق‌ ايله‌ دردينگه‌ درمان‌ بولار ير آندادير
 
ذكر ايله‌ تنهادا بول‌، خلقا ط‌اماليق‌ ايسته‌مه‌
داد برر شاه‌ آندادير، سن‌ موندا شاه‌ليق‌ ايسته‌مه‌
اوزونگي‌ كم‌ توت‌ ولي‌، آرتيق‌ بهاليق‌ ايسته‌مه‌
بير گونلوك‌ فاني‌ ارر، باقي‌ فناليق‌ ايسته‌مه‌
كيم‌ قيماتليق‌ بهادير، آرزان‌ بولار ير آندادير
 
ناانصافليق‌ ايله‌دينگ‌، انصافي‌ هيچ‌ گلتيرمه‌دينگ‌
آژدارها دك‌آچيپ‌آغزينگ‌ نفسيگني‌ بير اولتورمه‌دينگ‌
تانگلا ايشين‌ فكر اديپ‌، بير دم‌ سكوت‌ اولتورمادينگ‌
خوفي‌ كوپ‌ قيلدينگ‌، گناه‌ني‌ هيچكيمه‌ بيلديرمه‌دينگ‌
عينينگ‌ آچيپ‌، عالمه‌ داستان‌ بولار ير آندادير
 
بو اجل‌ صيادي‌ بير گون‌ قانينگ‌ ايچمكدير، غرض‌
خانمانينگني‌ بوزوپ‌، توپراغا ساچماقدير، غرض‌
بير زمان‌ منزل‌ توتوپ‌، بير دمده‌ كوچمكدير، غرض‌
زنده‌ليكده‌ غفلتدان‌ گوزونگ‌ آچماقدير، غرض‌
غفلتدا عمرينگ‌ اوتگريپ‌، آرمان‌ بولو ير آندادير
 
شاد يورمه‌سن‌، آمان‌ قيل‌، دييمه‌گيل‌: "گونده‌ديربوگون‌"
يوم‌ اعظ‌م‌ آتاديلار، خوفي‌ كوپ‌ گوندور بو گون‌
آزيق‌ آل‌ يولداش‌ ايله‌، مردان‌ يولوندا بو بو گون‌
كيمه‌ جنت‌ سير اديپ‌، كيم‌ نار ايچينده‌ سرنگون‌
ديني‌ ناحق‌ كافرلار يگسان‌ بولار ير آندادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی