يتيشسه



اي‌ خدايا، بيزگه‌ بير توفيق‌ برسنگ‌
سيناميزا عشقدان‌ بير داغ‌ يتيشسه‌
صدق‌ ايلن‌ ديل‌لريمه‌ توبه‌ ايبرسنگ‌
سحر ديده‌لريمه‌ اوياغ‌ يتيشسه‌
 
سحر توروپ‌ عشقينگ‌ كتابين‌ آچسام‌
اوقيپ‌، اوقيپ‌ در معني‌لر ساچسام‌
قيرق‌لار له‌ جم‌ بولوپ‌، پياله‌ ايچسم‌
كونجي‌ ميخانه‌دا آياغ‌ يتيشسه‌
 
بير مرشد اته‌گين‌ توتسام‌، آغلاسام‌
عشق‌ اودونا جاني‌ جسميم‌ داغلاسام‌
صدق‌ دل‌دن‌ حقا كونگول‌ باغلاسام‌
قيامت‌ زايردن‌؟ بير ساغ‌ يتيشسه‌
 
ياغشي‌لار ايزيندا يورسم‌ دوامت‌
فرضي‌ واجب‌، ترك‌ اتمه‌سم‌ هم‌ سنت‌
ارن‌لر يولوندا تارتيپ‌ مشقت‌
"شفا بر، رسول‌" دييپ‌، سداغ‌ يتيشسه‌
 
علم‌ قال‌، علم‌ حال‌ بارين‌ جم‌ اتسم‌
شريعت‌ يولونا داييم‌ گوز اتسم‌
نفسي‌ شيط‌ان‌ دنيا حرصين‌ ترك‌ اتسم‌
شرابا ط‌هورا بولاغ‌ يتيشسه‌
 
نيچه‌ ييل‌لار يوردوم‌ هاي‌ و هوسده‌
بارچا قيلغان‌ ايشيم‌ بولدي‌ عبثده‌
غرق‌ اولوپ‌ دنياگه‌، قالديم‌ قفسدا
ط‌وط‌ي‌ كيمين‌ ترك‌ دوزاغ‌ يتيشسه‌
 
قادر ايام‌ بو غملاردان‌ قوتاريپ‌
خط‌رليق‌ جايلاردان‌ آمان‌ اوتوريپ‌
فضلي‌ بيلن‌ بارچا ايشيم‌ بيتيريپ‌
حور و غلمان‌ ايچره‌ فراغ‌ يتيشسه‌
 
اسرافيل‌ صور اوروپ‌، خلقلار ديريلسه‌
اهلي‌ عالم‌ عرصات‌غا سورولسه‌
شفاعت‌خواه‌ رسول‌ منادا قيلسا
مختومقلي‌ ديييپ‌ سوراغ‌ يتيشسه‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی