يتيشدي‌ساليم{



قارريديقچا، قولدان‌ گيتدي‌ انصافيم‌
ايا دوستلار، اللا يتيشدي‌ ساليم‌
كريما، گون‌-گوندن‌ كم‌ بولدي‌ خوفيم‌
دمبدم‌دن‌ آرتدي‌ بو بد افعاليم‌
 
دريغا، دين‌ اوچين‌ يوقدور بير ايشيم‌
عمر آخر بولدي‌، آغاردي‌ ريشيم‌
قواتيم‌ كملدي‌، كوتلدي‌ ديشيم‌
ييگيت‌ليك‌ اوجينده‌ هنيز خياليم‌
 
كونگول‌ دنيا زرين‌ ايزلاپ‌ دوروپدير
گوز هم‌ گوزل‌لري‌ گوزلاپ‌ دوروپدير
ديل‌ هم‌ غيبت‌، يالان‌ سوزلاپ‌ دوروپدير
شيط‌ان‌ بير كافردير، نفس‌ هم‌ ظ‌الم‌
 
سندن‌ مدد يتيشمه‌سه‌، يا جبار
بو بلادان‌ باش‌ قوتارماق‌ هاچان‌ بار
هواي‌ هوس‌گه‌ بولدوم‌ گرفتار
حق‌ قوللوغنا يوقدور ذره‌ مجاليم‌
 
دوستلار، اعتباريم‌ يوقدور عمرگه‌
بختيمينگ‌ سياه‌سي‌ رنگ‌ بيير كومورگه‌
ط‌العيم‌ گونه‌شي‌ قالميش‌ اومورگه‌
ايام‌، سن‌ اوياندير اويوميش‌ اقباليم‌
 
خداوندا، گرچه‌ نفسيم‌ يامان‌دير
ديله‌گيم‌ درگاه‌دان‌ نور ايمان‌دير
شر ايشيم‌ بيحددير، گناهيم‌ كان‌دير
سن‌ اوزونگ‌ گچيرگيل‌، يا ذوالجلاليم‌
 
مختومقلي‌، عشق‌ اودونا بريانام‌
ايل‌ مالينا، من‌ حاليما گريانام‌
قورقي‌، اميد اورتاسيندا حيرانام‌
تانگلا - محشر، يا رب‌، نه‌ بولار حاليم

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی