یوْل آلار



یوْلا گیتسنگ،یوْلداشینگ نی دوزِتگیل
بوْلسا بیر نمازخوان، ایشینگ یوْل آلار
یوْلداشینگدان کؤنگلونگ نادرست بوْلسا
بوْلسا بیر بی نماز،ایشینگ یوْل آلماز

دوچار بوْلوُپ عالم بیله یؤره نه
نصیحت سؤزلری قؤلاق بره نه
اوُزین بوی،خوش ساقغال،یوزی نورانه
شونگا دوچار بوْلسانگ ایشینگ یوْل آلار

دوچار بوْلسانگ یوز مونگ بلا باقانا
سیناسیندا غیبت اوْدوُن یاقانا
رنگی ساری، آق گؤز،قاشی چاقانا
شونگا دوچار بوْلسانگ ایشینگ یوْل آلماز

دوچار بوْلسانگ: ((یا هُو!)) دیین گدایا
بیهوده اؤتورمه عمرینگی ضایا
چوْلا یرده دیم-آق ساقغالی یایا
شونگا دوچار بوْلسانگ ایشینگ یوْل آلار

آط آلسانگ قیر آلغیل،مکروه دیر آق یال
کتابدا گؤرونر چامان- قاراقوْل
اورتا بویلی،قیرمانچا وقارا چال 
شونگا دوچار بوْلسانگ ایشینگ یول آلماز

سفارشیم بوْلسا اول دنگه- دؤشا
خضر گؤرِن گیدِر کؤپ اوُزاق یاشا
اوُزین بوی لی ابدال شار قارا کیشا
شونگا دوچار بوْلسانگ ایشینگ یوْل آلار

مختومقلی، دییسم من عاما- خاصا
بی صحت گون دوْغان بترلی یاسا
شکل سیز، بدنشان،ییلماناق کؤسه
شونگا دوچار بوْلسانگ ایشینگ یوْل آلماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی