ياقانچابولماز



هر سفيل‌گه‌ ساچما دردينگ‌، سوزونگ‌ني‌
حسرت‌ اودي‌ جسمينگ‌ ياقانچا بولماز
غصه‌ بيله‌ دانه‌-دانه‌ گوزونگدن‌
اشك‌ ندامتينگ‌ آقانچا بولماز
 
قانع‌ بولوپ‌، عزت‌ده‌ توت‌ اوزونگ‌ني‌
ط‌اما قيليپ‌، سارغارتماغين‌ يوزونگ‌ني‌
هر نامرده‌ حيف‌ ايله‌مه‌ سوزونگ‌ني‌
سوزونگ‌نينگ‌ بناسين‌ ييقانچا بولماز
 
مغرور اولوپ‌ گزمه‌ عمرينگ‌ گلينه‌
ساوريلار سن‌ بير گون‌ خزان‌ يلينه‌
يوز ياشاييپ‌ دوشسنگ‌ اجل‌ الينه‌
ساغينگدان‌ سولونگا باقانچا بولماز
 
سليماندان‌ آرتيق‌ بولسا شوكتينگ‌
لرزانه‌ گتيرسه‌ گوك‌ني‌ هيبتينگ‌
گووسونگ‌ اوزره‌ گرزي‌ اوزر رعيتينگ‌
اجلينگ‌ جلا دي‌ قاقانچا بولماز
 
كونگلي‌ قارا بيلن‌ بولمانگلار الفت‌
يوقار آندان‌ دورلي‌-دورلي‌ كثافت‌
هر چند كي‌ كومورگه‌ ايله‌سنگ‌ عزت‌
آلنينگ‌غا قاراسي‌ يوقانچا بولماز
 
مختومقلي‌ هرگز تاپمادي‌ آمان‌
ديل‌ ياماني‌ تيغدان‌، تبردن‌ يامان‌
يامان‌ ديل‌ يانيندا زهري‌ چوخ‌ ييلان‌
چاقسا-دا بير چيبين‌ چاقانچا بولماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی