بولا - بولاگيدرسن


قارا قانلار يوتوپ‌، حسرتلار چكيپ‌

ماله‌ مشغول‌ بولا - بولا گيدر سن‌

دوداغينگ‌ تبره‌ديپ‌، يوره‌گينگ‌ ياقيپ‌

گمانينگ‌ بار، آليپ‌، بيله‌ گيدر سن‌

 

مونچا جفا اوغول‌، قيز و زن‌ اوچين‌

مونچا عشرت‌ خاك‌ اولاجاق‌ تن‌اوچين‌

گيتمز غرامتي‌ ايكي‌ گون‌ اوچين‌

نچون‌ بوينا آلا - آلا گيدر سن‌

 

مغرور اولما بو جانينگا عمرينگه‌

اجل‌ دوداغيني‌ قويموش‌ دمينگه‌

قيلچا جانا بو باش‌ گونليك‌ عمرينگه‌

نه‌ تتاريك‌ قيلا - قيلا گيدر سن‌

 

مالي‌ني‌ كويسه‌مه‌ بريم‌سيز بايينگ‌

ايل‌ گزديكچه‌ گوزي‌ دويماز گدايينگ‌

مومن‌ بولسانگ‌،قيل‌ قوللوغين‌ خدايينگ‌

باش‌ وقت‌ني‌ يادا سالا گيدر سن‌

 

مختومقلي‌ خبر برگين‌ نادرينگ‌

هر يان‌ بارسانگ‌، اجل‌ آلميش‌ گذرينگ‌

ياسخانه‌ده‌ ييغلاپ‌ اوتدي‌ پدرينگ‌

سن‌ نچون‌ موندا گوله‌ - گوله‌ گيدر سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی