برپابولدي‌بودنيا


قادر الله‌ قدرتيندان‌ يارانلار

 كاف‌ و نوندان‌ برپا بولدي‌ بو دنيا

خلق‌ ايله‌دي‌ ايكي‌ ماه‌ لقاني‌ 

  آنينگ‌ اولاديندان‌ دولدي‌ بو دنيا

 

يوق‌ ايدي‌ بار بولدي‌ بير نوري‌ پيدا  

  مظ‌هري‌ اول‌ ذاتينگ‌ بولدي‌ هويدا

عاصي‌ جافي‌امت‌لارغا شفقت‌خواه‌

عجب‌ تورفه‌ عجب‌ غوغا بو دنيا

 

آدم‌ اوغلي‌ تاشلانگ‌ هايي‌ هواني‌

اقرار بول‌ رسولا بير يبل‌ خداني‌

نوحينگ‌ امتينه‌ بردي‌ ط‌وفاني‌

منكرلرني‌ غرقاب‌ اتدي‌ بو دنيا

 

هر كيم‌ ديلار تاپار حقدان‌ مرادين‌

دقيانوس‌، فرعون‌، نمرود، شدادين‌

افلاط‌ون‌، ارسط‌و اوتدي‌ دنيادن‌

اسكندرني‌ يره‌ سالدي‌ بو دنيا

 

بيلينگ‌ موندا هركيم‌ من‌ منليك‌ اتدي‌

فلك‌ آخر آنينگ‌ باشينا يتدي‌

دورت‌ كافر خداي‌ليق‌ دعوي‌سين‌اتدي‌

سقر آدلي‌ جايا سالدي‌ بو دنيا

 

غافل‌ مغرور بولمانگ‌ دنيا مالينا

سني‌ آلدار عشوه‌ بيلن‌ آلينا

قولون‌ يووار آدمزادينگ‌ قانينا

قان‌ ايچيپ‌ قانمازدير بيلينگ‌ بو دنيا

 

ط‌اعت‌ قيلمان‌ عمر غافل‌ اوتر سن‌

بي‌زكات‌ مال‌لارني‌ موندا ييغار سن‌

تانگلا بارسانگ‌ حسابينا نه‌دييرسن‌

عجب‌ قالماغال‌لار سالدي‌ بو دنيا

 

پيغمبرلار موندان‌ وفا گورمه‌دي‌

محنت‌ چكدي‌ ذوق‌ و صفا گورمه‌دي‌

ما ييغنادي‌ قارون‌ زكات‌ برمه‌دي‌

مالي‌ بيلن‌ يره‌ يوتدي‌ بو دنيا

 

آرامي‌ قراري‌ يوقدور گزه‌گن‌

آل‌ ياشيل‌ گيينيپ‌ اوزون‌ بزه‌گن‌

بير شوم‌ صفت‌ گولومسيران‌ قيز اكن‌

آدم‌ اوغلين‌ يره‌ سالدي‌ بو دنيا

 

اويني‌ بيلن‌ خلقينگ‌ عقلين‌ آلاردي‌

قاشين‌ قاقيپ‌ غمزه‌ بيلن‌ گولردي‌

هر ايكي‌ گون‌ بير ار حالاپ‌ آلاردي‌

اقراري‌ يوق‌ اوزي‌ لولي‌ بو دنيا

 

اينانماغين‌ آدم‌ اوغلي‌ مالينگا

پر ايله‌گن‌ اوتن‌ ماه‌ و سالينگا

بيلسنگ‌ قويماز بو بنده‌ليك‌ حالينگا

بارچا گيديپ‌ اوزي‌ قالدي‌ بو دنيا

 

موج‌ اوروپ‌ دريا دك‌ داشيپ‌ بارادير

هيچ‌ كيمه‌ يتديرمان‌ قاچيپ‌ بارادير

آژدارها دك‌ زهرين‌ ساچيپ‌ بارادير

مسلمانلار بيلينگ‌ دالي‌ بو دنيا

 

ييگيت‌ جانلار قووانماغيل‌ گوركونگه‌

گلسه‌ جلاد اجل‌ قويماز اركينگه‌

توتدوم‌ ديين‌ چاغدا گيرمز بركينگه‌

اوزي‌ قاچاق‌ چابك‌ بيلينگ‌ بو دنيا

 

عالم‌لارينگ‌ سوزي‌ پند و نصيحت‌

فاسق‌ فاجرلارغا بولماغين‌ الفت‌

قورولار تره‌زي‌ تانگلا قيامت‌

اول‌ گون‌ سني‌ حساب‌ ايلار بو دنيا

 

ادا بولماز دولتينگ‌ بار قاشينگدا

آتا-انه‌نگ‌، آقانگ‌ - اينينگ‌ قاشينگدا

نه‌ غافل‌ سن‌ دايم‌ كونگول‌ خوشونگدا

عقلينگ‌ آليپ‌ حيران‌ اتدي‌ بو دنيا

 

دوشمرسينگيز بو مكارينگ‌ ديلينه‌

غافل‌ بولوپ‌ قووانمانگ‌لار مالينا

قولون‌ يووار آدمزادينگ‌ قانينا

آدم‌ تخمين‌ يره‌ گومدي‌ بو دنيا

 

مختومقلي‌ اوتدي‌ دووير دورانيم‌

ناكس‌لر سوزوندن‌ كوپدور گمانيم‌

خرمن‌ خرمن‌ گونگليمده‌ بار آرمانيم‌

آبادلارني‌ ويران‌ اتــــــــــــدي‌ بو دنيا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی