براغينگ


آقالار، براغينگ‌ وصفين‌ سوزلايين‌

عرب‌ ديلين‌ سوزلار اوزي‌ براغينگ‌

بوين‌ اوزين‌، گووسي‌ ياسي‌، رنگي‌ آق‌

آدمزادا منگزار يوزي‌ براغينگ‌

 

عالمه‌ روشن‌ بيير آلني‌نينگ‌ آغي‌

يوغين‌دير بوينوزي‌، يوقا دوداغي‌

ياشيل‌ زبرجددير ايكي‌ قولاغي‌

دانگ‌ ييلديزا منگزار گوزي‌ براغينگ‌

 

ييلديريم‌ دك‌ بولار تويناق‌ قاقيشي‌

سيغير صفت‌لي‌دير قويروق‌ چيقيشي‌

آرقاسي‌ تخته‌دير، بولماز يوقوشي‌

اينيشي‌، چيقيشي‌، دوزي‌ براغينگ‌

 

اوت‌ اييمز، رحمت‌دن‌ دولودير ايچي‌

قيزيل‌ ياقوت‌دان‌دير آلني‌نينگ‌ ساچي‌

اشك‌دن‌ اولودير، قاتيردان‌ كيچي‌

يوريسه‌ بيلينمز ايزي‌ براغينگ‌

 

مختومقلي‌ آيدار: "الحمدلله‌"

دولت‌ باقي‌سيني‌ اوزونگ‌ بر، الله‌

آني‌ مونن‌ احمد ابن‌ عبدالله‌

گلدي‌ زبانيما سوزي‌ براغينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی