باقا-باقاگيدرسن


فانيدان‌ باقيه‌ گوچه‌ - گوچ‌ بولسا

تلموريبان‌ باقا - باقا گيدر سن‌

اجل‌ جامين‌ سونوپ‌ ايچه‌ ايچ‌ بولسا

جان‌ عذابين‌ چكه‌ - چكه‌ گيدر سن‌

 

اوغلانلارينگ‌ دوشر زار و گريانه‌

اگسيك‌لر ساچ‌ ياييپ‌ قالار لرزانه‌

مالينگ‌ قسمت‌ بولوپ‌ گيرر تالانه‌

الينگ‌ يوويپ‌، چيقا - چيقا گيدر سن‌

 

مال‌ اوچين‌ اينجيديپ‌ قارداش‌-دوغانينگ‌

آز گوروپ‌ ط‌لا دان‌ ساتيپ‌، ساوانينگ‌

پايلاشارلار حلال‌ حرام‌ ييغانينگ‌

سن‌ عذابين‌ چكه‌ - چكه‌ گيدر سن‌

 

دنياده‌ مونگ‌ ط‌ناب‌ باغلارينگ‌ بولسا

آط‌ ياراغ‌ دير اسباب‌ شايلارينگ‌ بولسا

دنيا يوزي‌ دولي‌ ماللارينگ‌ بولسا

پاياني‌ يوق‌ تاشلاپ‌ - تاشلاپ‌ گيدر سن‌

 

آدم‌ اوغلي‌ ياده‌ سالسا اوز اصلين‌

قضا قويموش‌ اجل‌ آدلي‌ ماصيلين‌

عقلينگ‌ بولسا قيامتينگ‌ حاصلين‌

بو دنياده‌ اكه‌ - اكه‌ گيدر سن‌

 

بو دنيادن‌ بارسانگ‌ اول‌ دنيا قارداش‌

نالر گورجك‌ دير بو شوم‌ قارا باش‌

خير قازان‌ بولار يانينگا يولداش‌

يوغسا قبره‌ يكه‌ - يكه‌ گيدر سن‌

 

جهانده‌ گوركزيپ‌ ثدرت‌ ايش‌لري‌

قاناتيگ‌ قواتي‌ قالدير قوش‌لاري‌

ييگيت‌ليگينگ‌ زوري‌ سيندير داشلاري‌

قيرقدان‌ آشسانگ‌ چوكه‌-چوكه‌ گيدر سن‌

 

مختومقلي‌ دوشدونگ‌ عشقينگ‌ گذرنه‌

كيم‌ بار سوزلتماگه‌ التيپ‌ نظ‌رنا

هيچ‌ رواج‌ تاپمادينگ‌ سوزونگ‌ بازارنا

خريدارسيز توكه‌ - توكه‌ گيدر سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی