باغلار،هي


قسمت‌ اولماز، گيدم‌ اوزاق‌ يوللارا

نصيب‌ قويماز، گيدر يولوم‌ باغلار، هي‌

حيران‌ - مجنون‌ بولوپ‌، چيقام‌ چول‌لره‌

باريب‌، مسكن‌ توتام‌ سيزي‌، داغلار، هي‌

 

اويون‌ بيلن‌ اوغلانليغينگ‌ دميندن‌

يتيب‌ گلديم‌ كامل‌ليگينگ‌ چميندن‌

كونگلوم‌ لرزان‌ بولدي‌ دنيا غميندان‌

توتدي‌ سينام‌ چاپراز-چاپراز داغلار، هي‌

 

قايدا-قايدا اوغلانليغينگ‌ راييندان‌

يتيب‌ گلديم‌ كامل‌ليگينگ‌ پاييندان‌

باتدي‌ باشيم‌، چيقا بيلمن‌ لاييندان‌

يادا دوشر اونگكي‌ گزن‌ چاغلار، هي‌

 

جاهل‌ليقدا چار ط‌رفه‌ آتيشان‌

بيلمزليكده‌ همه‌ ايشه‌ قاتيشان‌

عاجز قاليپ‌، قارريليغا يتيشن‌

درد ادينيب‌، اوز - اوزوندن‌ آغلار، هي‌

 

معني‌ آنگلان‌ مختومقلي‌ سوزوندن‌

فكره‌ دوشر، ياشلار آقار گوزوندن‌

همه‌ زاتلار تغيير تاپار اوزوندن‌

يا رب‌، ييقيلمازمي‌ بييك‌ داغلار، هي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی