باش‌بولمانگ


نصيحت‌ ايلايين‌، دينگلانگ‌، ييگيت‌لر

پيس‌ خاتين‌ باشلاغان‌ تويا باش‌ بولمانگ‌

مونگ‌ نصيحت‌ آيتسانگ‌،بيري‌سين‌توتماز

آغزي‌بير بولماغان‌ اويه‌ باش‌ بولمانگ‌

 

دنگه‌نه‌ ايله‌مه‌، ساليشما قيلمانگ‌

آراسسا سودا ات‌، چاليشما قيلمانگ‌

خوش‌ ملايم‌ بولونگ‌، كم‌ سخن‌ بولمانگ‌

مندن‌ زينهار، ايلينگ‌ بيله‌ قاش‌ بولمانگ‌

 

هرگيز آتانگ‌ بولسا، بولماغيل‌ كفيل‌

بورونقي‌دان‌ قالان‌: "كفيل‌لر سفيل‌"

من‌ آيدايين‌، دينگله‌مه‌سنگ‌، اوزونگ‌ بيل‌

آياقلاشما ادن‌لرگه‌ باش‌ بولمانگ‌

 

نصيحت‌ دينگله‌سنگ‌، ارينگ‌ اري‌ سن‌

آلماسانگ‌ نصيحت‌، كوپونگ‌ بيري‌ سن‌

آرتيق‌ سالغيديني‌ اوزونگ‌ تولير سن‌

آغزي‌ آلا قوم‌لارا باش‌ بولمانگ‌

 

دوغري‌ يورگن‌، دوغري‌ گزگن‌ دوق‌ بولار

بي‌وقت‌ يورگن‌ ملامته‌ چوخ‌ قالار

عمرينگ‌ بويي‌ ييغناغانينگ‌ يوق‌ بولار

حرام‌ سوين‌ ييگيت‌لره‌ باش‌ بولمانگ‌

 

هرگيز يامان‌ بيلن‌ بيرگه‌ يورمانگ‌لر

اويناييپ‌ گولوبان‌، بيله‌ بارمانگلار

كوستي‌ يتر بير گون‌، يالان‌ دييمانگ‌لر

قودا-قايين‌ بولوپ‌، بلا دوش‌ بولمانگ‌

 

مختومقلي‌، كوپ‌ سودالي‌ باشينگ‌ بار

عمرينگ‌ اوزاق‌، يوزدن‌ آشا ياشينگ‌ بار

اوزونگي‌ بيل‌، اوزگه‌ له‌ نه‌ ايشينگ‌ بار

باخبر يور، حق‌ ياديندان‌ داش‌ بولمانگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی