باش‌اوستونه


نامرد كيمدير، بيلر بولسانگ‌

نه‌ دييسنگ‌ ديير: "باش‌ اوستونه‌"

آزمايشين‌ قيلار بولسانگ‌

هيچ‌ تاپيلماز ايش‌ اوستونده‌

 

مورتين‌ تاولاپ‌، هر يان‌ تارتار

هيبتي‌ پلنگ‌دن‌ آرتار

گوك‌ دك‌ گورلار،داماق‌ ييرتار

حاضر بولان‌ آش‌ اوستونه‌

 

آش‌ اوستنده‌ ايت‌ دك‌ هيرلار

يرسيز - يره‌ خر دك‌ هارلار

هر بير تيلكي‌ شير دك‌ گورلار

مردار اولن‌ لاش‌ اوستونه‌

 

چول‌ يرده‌ گووره‌ قالديرما

اول‌-دا خوشدور، سر بيلديرمه‌

لاف‌ اديپ‌ دهان‌ دولدورما

جنگ‌ نان‌ دگيل‌ ديش‌ اوستونده‌

 

دييسه‌لر: "آط‌لان‌-ها، آط‌لان‌!"

سونگك‌ چناپ‌ ايير گوته‌ سيرتلان‌

ياو گوني‌ غيراته‌ قاتلان‌

لعنت‌ قويما ريش‌ اوستونده‌

 

انصافين‌ الدن‌ بيراقماز

عاقل‌ آدمليق‌دان‌ چيقماز

بو سوزوم‌ حيوانه‌ يوقماز

آدم‌ ساقلار گوش‌ اوستونده‌

 

مختومقلي‌، سووش‌ بولار

ييگيدينگ‌ سري‌ فاش‌ بولار

يا باش‌ برر، يا باش‌ آلار

قوچاقلار يولداش‌ اوستونده‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی