بارمي‌،يارانلار


عشق‌ يولون‌ هوس‌ ايلاپ‌

گلن‌ يارمي‌، يارانلار؟

درديم‌ني‌ بيان‌ اتسم‌

بيلن‌ بارمي‌ يارانلار؟

 

بولموشام‌ مست‌ شيدا

هزار پيشه‌، صد سودا

عالمده‌ من‌ دي‌ رسوا

بولان‌ بارمي‌ يارانلار؟

 

داشيم‌ درد، ايچيم‌ بريان‌

ادر من‌ نالا گريان‌

منيم‌ دي‌ مست‌ حيران‌

قالان‌ بارمي‌ يارانلار؟

 

يالان‌ دنياده‌ يايناب‌

گزر سن‌ گولوب‌، اويناب‌

عشق‌ مط‌بخينده‌ قايناب‌

اولن‌ بارمي‌، يارانلار؟

 

عشق‌ دوش‌ بولسا بير مرده‌

توز بولار، دونر گرده‌

منيم‌ دي‌ اوزون‌ درده‌

سالان‌ بارمي‌ يارانلار؟

 

تاب‌ اتمه‌ين‌ ظ‌لم‌غا

باردي‌ حاليم‌ اولوم‌گه‌

ييغلامايين‌ حاليم‌غا

گولن‌ بارمي‌، يارانلار؟

 

مختومقلي‌ جان‌ چكسه‌

رحم‌ اتمزلر، ياش‌ دوكسه‌

عشقينگ‌ يولوندا يوقسا

يالان‌ بارمي‌ يارانلار؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی