بارغاي‌منا


 خالقا، بيهوده‌ عمريم‌ بادا گچدي‌ بيلمه‌ديم‌

آلماديم‌ توبه‌ي‌ نصوح‌، ظ‌لمت‌ ياراغين‌ قيلماديم‌

اوشبو يالغان‌ دنياده‌ روحومني‌ اوتدان‌ آلماديم‌

اول‌ قيامتدا نه‌ يوز بيرلن‌ سانگا بارغاي‌ منا

 

خير و احسان‌ منده‌ يوقدور، جرم‌ و عصياندير ايشيم‌

باتميشام‌ غم‌ لايينا، ويرانه‌دير مونگلي‌ باشيم‌

قيلماديم‌ اول‌ ياراغين‌، چرخ‌ اوروپ‌ اوچار قوشوم‌

 اول‌ قيامتدا نه‌ يوز بيرلن‌ سانگا بارغاي‌ منا

 

قوقوشيپ‌ اعضالاريم‌، هيباتدا آلسا جانيمي‌

"ربينگ‌ كيم‌؟" دييپ‌ سورسالار منكر نكير اعماليمي‌

موندا حاصل‌ قيلماسام‌ همراه‌ نور ايمانيمي‌

اول‌ قيامتدا نه‌ يوز بيرلن‌ سانگا بارغاي‌ منا

 

عاصي‌ جاني‌ بنده‌ من‌، كوپدور گناهيم‌ بيعدد

قيل‌ كرم‌ فضلينگ‌ بيله‌ قل‌ هو الله‌ احد

تانگلا فرياد ايله‌سم‌، بير كيمسه‌دن‌ بولماز مدد

اول‌ قيامتدا نه‌ يوز بيرلن‌ سانگا بارغاي‌ منا

 

گل‌، بو گون‌، مختومقلي‌، هم‌ سوزله‌گيل‌ افغان‌ بيله‌

چرخ‌ افلاك‌ گردشيندن‌ بولدي‌ باغريم‌ قان‌ بيله‌

آزيغيم‌ني‌ آلمايان‌ بارسام‌ اگر عصيان‌ بيله‌

اول‌ قيامتدا نه‌ يوز بيرلن‌ سانگا بارغاي‌ منا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی