باتدي‌،يارانلار


دورت‌ مونگ‌ دورت‌ يوز ياشان‌ لقمان‌ حكيمينگ‌

باشي‌ قارا قوما باتدي‌، يارانلار!

كرگ‌ بدولي‌، آغير گرزلي‌ رستمينگ‌

اجل‌ جيلاويندان‌ توتدي‌، يارانلار!

 

يوسفينگ‌ آرزوي‌ يعقوب‌ يانيندا

سويگوسي‌ باغريندا، دردي‌ جانيندا

كيمينگ‌ قدري‌ باردير چرخينگ‌ يانيندا

يوسفني‌ قول‌ اديپ‌ ساتدي‌، يارانلار!

 

عالمه‌ حوكم‌ ادن‌ اسكندر سلط‌ان‌

اجل‌ تدبيرينه‌ تاپمادي‌ درمان‌

تختيني‌ يل‌ چكن‌ حكمي‌ سليمان‌

قالمادي‌، دنيادن‌ گيتدي‌، يارانلار!

 

اوچ‌ يوز اون‌ اوچ‌ مرسل‌ قالمادي‌ بيري‌

قاني‌ عاصف‌، سليمانينگ‌ وزيري‌؟

قاني‌ اول‌ حق‌ رسول‌ حقينگ‌ اوز شيري‌

بارچاسين‌ قارا ير يووتدي‌، يارانلار!

 

مختومقلي‌ آيدار، غافل‌ اوتورمانگ‌

قيلچا جاني‌ اوزين‌ قايغا باتيرمانگ‌

يالانچيني‌ حسرت‌ بيلن‌ اوتورمانگ‌

بير فصل‌ دوران‌دير، اوتدي‌، يارانلار!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی