بيلمزمينگ‌


 قلم‌ آليپ‌ نامه‌ني‌ گوندرديگيم‌ بيلمزمينگ‌؟

افسون‌ اوروپ‌، هدهدني‌ ايندرديگيم‌ بيلمزمينگ‌؟

عرش‌ اوستونه‌ قالديريپ‌، موندورديگيم‌ بيلمزمينگ‌؟

دورت‌ گيجه‌، اوچ‌ گون‌ آغلاپ‌، دينديرديغيم‌ بيلمزمينگ‌؟

اشك‌ مونوپ‌ عيسي‌ دك‌، يلديرديگيم‌ بيلمزمينگ‌؟

 

مجنون‌ كيبي‌ صحرادا ييغلاي‌ - ييغلاي‌ گزديگيم‌

گوزوم‌ ياشين‌ مرجان‌ دي‌ دوزوم‌ - دوزوم‌ دوزديگيم‌

ورقه‌ كيمين‌ گلشاه‌دان‌ اولوپ‌، اميد اوزديگيم‌

جوشغون‌ بريپ‌ عشق‌ اودي‌، قايناپ‌ - قايناپ‌ قيزديغيم‌

شبلي‌ كيمين‌ بير داغي‌ يانديرديغيم‌ بيلمزمينگ‌؟

 

هدهد كيمين‌ فرنگ‌دن‌ چين‌ ما چينه‌ بارديغيم‌

باغ‌ ايچينده‌ بلقيسينگ‌ ساچين‌ آچيپ‌ گورديگيم‌

سليمانينگ‌ تختيندان‌ سوزلاپ‌ خبر برديگيم‌

قوش‌ قونسون‌ دييپ‌ باشيمغا بلبل‌ هنگين‌ قورديغيم‌

چهارشنبه‌ گون‌ چاش‌ وقتي‌ قوندورديغيم‌ بيلمزمينگ‌؟

 

صراح‌نينگ‌ آرقاسيندا مجنون‌ قوردي‌ جاديني‌

بسم‌ الله‌ دييپ‌ چاغيردي‌، تاپمادي‌ اوستاديني‌

حقدان‌ غيري‌ بير كيمسه‌ اشيتمه‌دي‌ داديني‌

قيرق‌ عاشق‌ نعره‌ چكيپ‌، شعله‌ اوردي‌ اوديني‌

گوز ياشيمدان‌ سوو آليپ‌، سوندورديگيم‌ بيلمزمينگ‌؟

 

شيروان‌ خانينگ‌ سوداسي‌ نه‌ عجايب‌ سودا دير

قيلدان‌ بير يان‌ آغدارسا، قيامت‌ گون‌ رسوادير

يوز ييگريمي‌ صف‌ قورليپ‌، هر صف‌ده‌ بير غوغادير

عاشق‌ليق‌ بير جوشغون‌دير، آقماز داشغين‌ دريادير

بير جرعه‌دان‌ قيرق‌ عاشق‌ قانديرديغيم‌ بيلمزمينگ‌؟

 

يتيلمه‌ميش‌ شونقاريم‌، قاميش‌ قانات‌ آق‌ تورپك‌

دنيا مني‌ تايديردي‌، بير يانيم‌ اتدي‌ اورپاق‌

جانان‌ جگر ديليبان‌، تارتار قان‌ قويماز تورپاق‌

هر تيكندن‌ يوز غنچه‌، هر قيرق‌ گلدن‌ بير يارپاق‌

داغي‌ - داشي‌ آيلانيپ‌، اوندورديگيم‌ بيلمزمينگ‌؟

 

مختومقلي‌، سوزله‌يير، دوقوز فلك‌ زهره‌سي‌

يدي‌ ييلديز قارداشي‌، آيينگ‌، گونونگ‌ پاره‌سي‌

نور ديدام‌ ياغتي‌سي‌، گوزوم‌ آغي‌ - قاراسي‌

آب‌ زمزم‌ چشمه‌سي‌، صفا، مروه‌ آراسي‌

سليمان‌ دك‌ عهديمني‌ سينديرديغيم‌ بيلمزمينگ‌؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی