بي‌بادگورونر


يارانلار، فاني‌ دنيانينگ‌

آخري‌ بي‌باد گورونر

جان‌ قوشوني‌ آلداپ‌ توتار

شوم‌ فلك‌ صياد گورونر

 

آلداغينا دوشمه‌ بو گون‌

كوكونگ‌ كسر بوغون‌-بوغون‌

گور، لولي‌ دنيا دوست‌ليغين‌

گونبه‌-گوندن‌ ياد گورونر

 

فلك‌ سنينگ‌ ميسرينگ‌ 

نيچه‌ يرده‌ دردسرينگ‌

گور، اوغول‌سيز بنده‌لرينگ

يوردي‌ يوق‌، برباد گورونر

 

گورونسه‌ ياغشي‌ اقبالي‌ 

گون‌-گوندن‌ يتر كمالي‌

قوچ‌ ييگيدينگ‌ پيس‌ عيالي‌ 

جانينا جلا  گورونر

 

ياغشي‌ يارينگ‌ قويني‌ ماتا

سيناسي‌ منگزار جنته‌

گوزل‌ گورمه‌گن‌ سليتا

گوزونه‌ پريزاد گورونر

 

لبينده‌ شكري‌ - قندي‌

گويا كي‌ فراغي‌ بندي‌

قارا قارغانينگ‌ فرزندي‌     

 گوزونه‌ صورات‌ گورونر

 

ياراشار تيركش‌ - خاط‌اري‌

خاط‌اريندا اسريك‌ نري‌

بير گدانينگ‌ مينن‌ خري‌

ط‌بله‌سينده‌ آط‌ گورونر

 

سووشده‌ گرك‌ استادلار

شير يورك‌لي‌ آلغير قورت‌لار

ياغي‌ گورنده‌، نامردلار

 نا چاغلاپ‌، عورت‌ گورونر

 

مختومقلي‌ ديير، بو دم‌ده‌

باردير اميديم‌ كرم‌ده‌

روزي‌ اتسه‌ آخر دم‌ده‌

ايمانيم‌ مراد گورونر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی