بولماق‌حقدير


اي‌ يارانلار، آدم‌ اوغلي‌

بوز توپراقدان‌ بولماق‌ حقدير

اصلي‌ خاكدن‌ اونن‌ آدم‌

قومه‌ قارليپ‌ قالماق‌ حقدير

 

كلامده‌ بار ايش‌ بياندير

بارچا ايش‌ حقه‌ عياندير

اينانسانگ‌ سانگا ايماندير

ولمك‌ حق‌، ديريلمك‌ حقدير

 

ايوبه‌ يتمه‌دينگ‌ صبرده‌ 

ط‌اقتينگ‌ يوقدور جبرده‌

منكر، نكير دار قبرده‌ 

سوراغ‌، سوال‌ قيلماق‌ حقدير

 

ادن‌ ايشلرينگ‌ سورالار

گون‌ قيزار، ميزان‌ قورولار

توغ‌ چكيلر، عالم‌ اوريلار

ياويز گونلر گلمك‌ حقدير

 

مختومقلي‌، آزسانگ‌ يولونگ

اول‌ گون‌ نيچيك‌ گچر حالينگ‌

بو گون‌ زورلاپ‌ آلان‌ مالينگ‌

ارته‌ قايديپ‌ برمك‌ حقدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی