بولماز،يارانلار


بير زمان‌ خوش‌ بولوپ‌، غنيمت‌ يورونگ‌

دنيانينگ‌ وفاسي‌ بولماز، يارانلار!

قوتولغان‌ يوق‌ اجل‌ چنگيندن‌، گورونگ‌

جانلي‌ زاتدان‌ جان‌ قوتولماز، يارانلار!

دنيا اول‌ بدل‌، قلبدير، قلا ب‌دير

چرخ‌ چنبر بازيگري‌ كذاب‌دير

دنيا بير دريادير، آدم‌ حباب‌دير

حباب‌ سوودا باقي‌ قالماز، يارانلار!

 

مشكل‌ سفر بولار اولوم‌ سفري‌

وهمي‌ چوخ‌ بولار، كوپدور خط‌ري‌

قايتماز چاپاري‌، گلمز خبري‌

بو سفرا گيدن‌ گلمز، يارانلار!

 

دنيا يالانچيدير، حرص‌ و هوس‌دير

يالانچيغا بيل‌ باغلاماق‌ عبث‌دير

حرامي‌دير، حرامزاده‌، ناكس‌دير

بير عهد و پيماندا دورماز، يارانلار!

 

مختومقلي‌، دنيا فاني‌دير، فاني‌

حسرت‌ منزليدير اولومنينگ‌ كاني‌

بازاريندا متاع‌ آدامينگ‌ جاني‌

آندان‌ باشغا متاع‌ بولماز، يارانلار!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی