بولارسن‌


بييك‌ داغلار، بييك‌ليگنگه‌ بويسانما

گدازدا سوو بولان‌ زر دك‌ بولار سن‌

ترينگ‌ دريا، هيبتينگا قووانما

وقتينگ‌ يتسه‌، قوريپ‌، ير دك‌ بولار سن‌

 

داغلارينگ‌ آرسلاني‌، ببر - پلنگي‌

بير گون‌ دنگ‌  بولار فيل‌، پشه‌ جنگي‌

مجمع‌ البحرينينگ‌، نيلينگ‌ نهنگي‌

قولاغينا اورلان‌ خر دك‌ بولار سن‌

 

قيامتدان‌ بير سوز دييديم‌ باياقدا

قاراو باردير يرسيز اورلان‌  تاياقدا

ظ‌الم‌لار خوار بولار، قالار آياقدا

غريب‌، سن‌ ييغلاما، شير دك‌ بولار سن‌

 

ياغشي‌ بدو مونن‌، خوب‌ محبوب‌ قوچان‌

بيله‌ التيپ‌ مي‌دير، باقيه‌ گوچن‌

حقيقت‌ نامرد دير ايمان‌سيز گچن‌

ايمان‌ بيله‌ بارسانگ‌،  نر دك‌ بولار سن‌

 

ياغشيلار يانيندا يورگول‌ سن‌ اوزونگ‌

در بولسون‌ دائما سوزله‌گن‌ سوزونگ‌

عالم‌لارا اويسانگ‌، آچيلار گوزونگ‌

جاهل‌لارا اويسانگ‌، كور دك‌ بولار سن‌

 

لقمان‌ كيبي‌ دردلر درمانين‌ قيلسانگ‌

سليمان‌ دك‌ ديوني‌ فرمانه‌ آلسانگ‌

اسكندر دك‌ يرينگ‌ يوزوني‌ آلسانگ‌

يره‌ يكسان‌ بولوپ‌، ير دك‌ بولار سن‌

 

مختومقلي‌، قاراپ‌ گوزله‌ داشينگ‌ني‌

جايين‌ بيليپ‌ صرف‌ ات‌ نان‌ و آشينگ‌ني‌

كامل‌ تاپسانگ‌، قوي‌ يولوندا باشينگ‌ني‌

ار ايزيندا يورسنگ‌، ار دك‌ بولار سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی